සේවයේ දක්ෂ වීමට අලුත් අයව පුහුණු කරන්න
ඒක වැදගත් ඇයි? යේසුස්ගේ අලුත් ගෝලයන් ඔහු අණ කළ “සෑම දෙයක්ම” පවත්වන්න ඕනේ. අනිත් අයට සත්‍යය උගන්වන එකත් ඒකට ඇතුළත්. (මතෙ. 28:19, 20) අලුත් අය හුඟදෙනෙක් දැනටමත් සේවා පාසැලට ඇතුල් වෙලා ඇති. පවුලේ අයට හරි යාළුවන්ට හරි අවිධිමත්ව සාක්ෂි දරලත් ඇති. ඒත් තමන් ඉගෙනගන්න දේවල් අගය කරද්දී සහ ශුභාරංචිය හැමෝම දැනගන්නවාට යෙහෝවා දෙවි කැමතියි කියලා දැනගනිද්දී ඔවුන් සේවයේ යන්නත් කැමති වෙයි. (රෝම 10:13, 14) අලුත් අය බව්තීස්ම නොලත් ප්‍රචාරකයන් වුණාට පස්සේ ඔවුන්ට හොඳ පුහුණුවක් ලබා දුන්නොත් තවත් දියුණු වෙන්න අවශ්‍ය පියවර ගන්න ඔවුන්ට පුළුවන් වෙයි.—ලූක් 6:40.
මාසය තුළ මෙය අත්හදා බලන්න
ශිෂ්‍යයා එක්ක ගෙයින් ගෙට සේවයේ හවුල් වෙන්න. නැවත බැලීමකට හරි බයිබල් පාඩමකට හරි ඔහුව එක්කගෙන යන්න. ඔබට ශිෂ්‍යයෙක් නැත්නම් සේවයේ අද්දැකීම් අඩු වෙනත් ප්‍රචාරකයෙක්ට උදව් කරන්න.