යහපත් ක්‍රිස්තියානීන් වෙමු
සේවයේ දක්ෂ වීමට - නැවත බැලීම් කරමු
ඒක වැදගත් ඇයි? කෙනෙක් පණිවිඩයට උනන්දුවක් දක්වන්නේ දෙවිට ළං වෙන්න එයාට ආසාවක් තියෙන නිසයි. (යෙසා 55:6) ඒ වගේ අයට උදව් කරන්න නම් අපි නිතර ගිහිල්ලා එයාලව හම්බ වෙන්න ඕනේ. එයාලගේ තත්වයන් එකකට එකක් වෙනස් නිසා එක් එක් කෙනාට ගැළපෙන විදිහටයි අපි කතා කරන්න ඕනේ. ඒ නිසා කෙනෙක්ව හම්බ වෙන්න යන හැම වතාවෙම හිතට දැනෙන විදිහට කතා කරන්න පුළුවන් විෂයක් තෝරාගෙන ඒකට සූදානම් වෙලා යන්න. ඒක කරන්න ඕනෙ බයිබල් පාඩමක් පටන්ගන්න ඉලක්ක කරගෙනයි.
ඒක කරන්නේ කොහොමද?
ඉක්මනින්ම, පුළුවන් නම් දවස් කීපයක් ඇතුළත යන්න.—මතෙ 13:19
මිත්‍රශීලීව, ගෞරවාන්විතව, සන්සුන්ව කතා කරන්න
එයාගේ නමින්ම කතා කරලා එයාගේ සැප දුක් අහන්න. සමහරවිට ඔයා ආවේ කලින් සතියේ කතා කරගත්ත විදිහට ප්‍රශ්නෙකට උත්තර දෙන්න, අලුත්ම සඟරාව දෙන්න, අපේ වෙබ් අඩවිය ගැන කියන්න, වීඩියෝ එකක් පෙන්වන්න නැත්නම් බයිබල් පාඩමක් කරන හැටි පෙන්වන්න වෙන්න ඇති. ඒක එයාට මතක් කරලා දෙන්න. ඒත් එයා වෙන කාරණයක් ගැන උනන්දු වුණොත් ඒකට අනුව ඔයා කියන දේ වෙනස් කරන්න.—ෆිලි 2:4
බයිබලයේ තියෙන අදහසක් එයාත් එක්ක කතා කරලා හරි අපේ ප්‍රකාශනයක් දීලා හරි එයාගේ හිතට වැටුණු සත්‍යයේ බීජයට වතුර දාන්න. (1කොරි 3:6) එයාව තව ටිකක් හොඳට හඳුනගන්න
ඊළඟ වතාවෙත් යන්න මඟ සලසගන්න