හොඳටම හෙම්බත් වී සිටින කණ්ඩායම මෙලීතය නම් දූපතක හව්හරණ ලබයි. එහි පදිංචිව සිටින අය ‘විදේශිය භාෂාව කථාකරන සෙනඟක්’ වන අතර, වචනයේ පරිසමාප්තියෙන් ඉන් අදහස් වන්නේ “ම්ලේච්ඡයන්” (බාර්ʹබ·රොස් ග්‍රීක් භාෂාවෙන්).c නමුත් මෙලීතයේ මිනිසුන් ම්ලේච්ඡයන් නොවෙයි. ඒ වෙනුවට, පාවුල්ගේ සංචාරක සහයකයෙකු වන ලූක් වාර්තා කරන පරිදි, ඔවුන් “අපට බොහෝ මිත්‍රකම් පෙන්නුවෝය. මක්නිසාද පැවතුණාවූ වර්ෂාව නිසාද ශීතලය නිසාද ඔව්හු ගිනි පත්තුකරදී අප සියල්ලන් පිළිගත්තෝය.” ගින්නට දර එකතු කිරීම සඳහා පාවුල්ද මෙලීතියේ ස්වදේශීකයන් හා එකතු වෙයි.—ක්‍රියා 28:1-3.