යොවුන් සිතේ ගැටලු—හොඳ මිතුරන් හොයාගන්නේ කොහොමද?

යෙහෝවා දෙවි අපිව හදලා තියෙන්නෙ එකිනෙකාව ආශ්‍රය කරලා හොඳ යාළුකම් ඇති කරගන්න පුළුවන් විදිහටයි. (හිතෝ. 17:17; 18:1, 24) හැබැයි ජීවිතේට හොඳක් වෙන්න නම් අපි යාළුවන් තෝරගද්දී හුඟක් කල්පනාකාරී වෙන්න ඕනේ. (හිතෝ. 13:20) යොවුන් සිතේ ගැටලු—හොඳ මිතුරන් හොයාගන්නේ කොහොමද? කියන DVD එක බලලා මේ ප්‍රශ්නවලට උත්තර දෙන්න ඔයාලට පුළුවන්ද?

හැඳින්වීම:

(1) හොඳ යාළුවෙක් කියන්නේ කොයි වගේ කෙනෙක්ටද?

මිතුරන් ඇති කරගැනීමට බාධා:

(2) මිතුරන්ගෙන් කොං වෙලා කියලා හිතෙනවා නම් මොකක්ද කරන්න පුළුවන්? (ෆිලි. 2:4) (3) පෞද්ගලිකත්වය වෙනස් කරගන්න ඕනෙ ඇයි? ඒක කරන්න ඔයාට උදව් කරන්න පුළුවන් කාටද? (2 කොරි. 13:11) (4) මිතුරන් වැඩි කරගන්න අපි මොනවාද කරන්න ඕනෙ?—2 කොරි. 6:13.

දෙවිගේ මිතුරෙක් වීම:

(5) යෙහෝවා දෙවිව හොඳ මිතුරෙක් කරගන්න පුළුවන් කොහොමද? එහෙම කරන එක වටින්නේ ඇයි? (ගීතා. 34:8) (6) යෙහෝවා දෙවිව හොඳම යාළුවා කරගනිද්දී අපිට එකතු වෙන යාළුවන්ගෙන් අපිට ලැබෙන ප්‍රයෝජන මොනවද?

නරක මිතුරන්:

(7) නරක මිතුරන් කියන්නේ කොයි වගේ අයටද? (1 කොරි. 15:33) (8) ඔයාව දෙවිගෙන් ඈත් කරන්න නරක මිතුරන්ට පුළුවන් කොහොමද?

නාට්‍යය:

(9) දීනා ගැන බයිබලයේ තියෙන දෙයින් අපිට ඉගෙනගන්න පුළුවන් පාඩම මොකක්ද? (උත්. 34:1, 2, 7, 19) (10) යෙහෝවා දෙවිට නමස්කාර නොකරන ළමයි එක්ක ආශ්‍රය කරන එකේ වරදක් නැහැ කියලා ටාරා හේතු පෙන්නුවේ කොහොමද? (11) ටාරාගේ ඉස්කෝලෙ යාළුවෝ එයාව අරං ගිහින් අතෑරියේ මොන වගේ අනතුරුවලටද? (12) ටාරාගේ දෙමාපියන්ට එයාගේ තත්වය තේරුම්ගන්න බැරි වුණේ ඇයි? යෙහෝවා දෙවිත් එක්ක තිබුණ බැඳීම නැවත ශක්තිමත් කරගන්න ටාරාට පුළුවන් වුණේ දෙමාපියන් කොයි විදිහට කටයුතු කරපු නිසාද? (13) පුරෝගාමි සහෝදරියක් ටාරාට හොඳ යාළුවෙක් වුණේ කොහොමද? (14) ටාරාට තේරුම් ගියේ මොකක්ද?

අවසානය:

(15) මේ DVD එකෙන් ඔයාලා ඉගෙනගත්තේ මොනවාද? (16) අනිත් අයට උදව් කරන්න මේ DVD එක පාවිච්චි කරන්න පුළුවන් කොහොමද?

යෙහෝවා දෙවිගේ මිතුරෙක් වෙන්න අපිට උදව් කරන අයව අපේ මිතුරන් කරගමු. මොකද අපිට ඉන්න පුළුවන් හොඳම මිතුරා යෙහෝවා දෙවියි!—ගීතා. 15:1, 4; යෙසා. 41:8.