ඕනම භේදයක් පරදන දෙවිගේ ඉගැන්වීම්

යෙහෝවා දෙවි හැමෝටම සලකන්නේ එක විදිහට. (ක්‍රියා 10:34, 35) ඕනෙම භාෂාවක් කතා කරන, ඕනෙම ජාතියකට, ගෝත්‍රයකට අයිති හැමෝවම දෙවි පිළිගන්නවා. (එළි 7:9) ඒ නිසා ක්‍රිස්තියානි සභාවේ කිසිම භේදයකටවත් විශේෂ සැලකිලි දක්වන එකටවත් ඉඩක් නැහැ. (යාකො 2:1-4) දෙවිගේ ඉගැන්වීම් නිසා පෞද්ගලිකත්වයන් වෙනස් කරගෙන පාරාදීසයක් හා සමාන තත්වයක් අද්දකින්න ලැබිලා තියෙන එක ගැන අපි කොයි තරම් ස්තුතිවන්න වෙන්න ඕනෙද! (යෙසා 11:6-9) හැමෝටම එක විදිහට සලකන්න උත්සාහ කරද්දී අපි දෙවිව අනුකරණය කරන අය වෙනවා.—එෆී 5:1, 2.

‘ජොනී සහ ගිඩියොන්: කලින් සතුරෝ, දැන් සහෝදරයෝ’ වීඩියෝ එක බලලා මේ ප්‍රශ්නවලට උත්තර හොයාගන්න:

• භේද නැති කරන්න මිනිසුන් දරන ඕනෙම වෑයමකට වඩා දෙවිගේ ඉගැන්වීම් උසස් වෙන්නේ ඇයි?

• ලෝකෙ පුරාම විසිරිලා ඉන්න සහෝදරයන් අතරේ තියෙන මොකක් ගැනද ඔයා වැඩියෙන්ම සතුටු වෙන්නේ?

• ක්‍රිස්තියානීන් අතරේ තියෙන එකමුතුකමෙන් යෙහෝවා දෙවිව ගෞරවයට පත් වෙන්නේ කොහොමද?