‘ක්‍රිස්තියානි ජීවිතය සහ දේවසේවය වැඩපොත’ සඳහා තොරතුරු

අප්‍රියෙල් 2-8

දේවවචනය නිධානයක් | මතෙව් 26

“පාස්කුවත් යේසුස්ගේ මරණය සිහි කිරීමත් අතර තියෙන සමානකම් සහ අසමානකම්”

nwtsty මතෙ 26:17-20 මීඩියා

පාස්කු භෝජනය

පාස්කු භෝජනයට (1) පුලුස්සපු බැටළු මස් (එක ඇටයක්වත් කැඩිලා නැති බැටළුවෙක්ගේ මස්), (2) මුහුන් නොදැමූ රොටි සහ (3) තිත්ත පලා ඇතුළත් වුණා. (නික් 12:5, 8; ගණන් 9:11) තිත්ත පලා විදිහට හඳුන්වන්න ඇත්තේ චිකරි, පෙපර්වෝට්, එන්ඩයිව් සහ ඩැන්ඩිලයන් වගේ තිත්ත කොළ වර්ග වෙන්න ඇති කියලා “මිෂ්නා” කියන ලියවිල්ලේ සඳහන් වෙනවා. ඒ තිත්ත පලා කද්දී ඊජිප්තුවේ වහලුන් විදිහට හිටිය කාලයේ තමන් අද්දැකපු කටුක ජීවිතය ඊශ්‍රායෙල්වරුන්ට අනිවාර්යයෙන්ම මතක් වෙන්න ඇති. මුහුන් නොදැමූ රොටිවලින් කිසිම පාපයක් නැති තමන්ගේ ශරීරය නියෝජනය වෙනවා කියලා යේසුස් කිව්වා. (මතෙ 26:26) “අපගේ පාස්කු යාගය” කියලයි පාවුලුත් යේසුස්ව හැඳින්නුවේ. (1කොරි 5:7) පළවෙනි සියවස වෙද්දී පාස්කුභෝජනයට (4) වයිනුත් ඇතුළත් වුණා. යේසුස් කිව්වා වයින්වලින් සියලුම මිනිසුන්ගේ පව් වෙනුවෙන් වගුරුවන්න යන තමන්ගේ රුධිරය නියෝජනය වෙනවා කියලා.—මතෙ 26:27, 28.

nwtsty මතෙ 26:26 සටහන

නියෝජනය වන්නේ: ඒ විදිහට පරිවර්තනය කරලා තියෙන “එස්ටින්” කියන ග්‍රීක වචනයට “සංකේතවත් වෙනවා, අදහස් වෙනවා, අර්ථවත් වෙනවා” කියන අදහස් ඇතුළත්. ඒ අවස්ථාවේදී යේසුස් අදහස් කළේ නැහැ ඒ රොටිය ඇත්තටම ඔහුගේ ශරීරය බවට පත් වෙලා තිබුණා කියලා. මොකද ඒ වෙලාවේ පරිපූර්ණ මිනිස් ශරීරයක් තිබුණු යේසුස් එතැන හිටියා. ඒ වගේම මුහුන් නොදැමූ රොටිත් එතැන තිබුණා. ඒ නිසා යේසුස් කිව්වේ ඒ රොටිවලින් තමන්ගේ ශරීරය “නියෝජනය වෙනවා” කියන එකයි. යේසුස්ගේ නියෝජිතයන් ඒක හොඳින්ම තේරුම්ගන්න ඇති.

nwtsty මතෙ 26:28 සටහන

ගිවිසුම ස්ථිර වන්නේ මේ රුධිරයෙනුයි: යෙහෝවා දෙවි අභිෂේක ලත් ක්‍රිස්තියානීන් එක්ක ඇති කරගත්ත අලුත් ගිවිසුම ස්ථිර වුණේ යේසුස්ගේ ජීවිත පූජාව මාර්ගයෙන්. (හෙබ්‍රෙ 8:10) යේසුස් මේ අවස්ථාවේදී කිව්වේ සීනයි කන්දේදී දෙවි ඊශ්‍රායෙල්වරුන් සමඟ ගිවිසුමක් ඇති කරපු අවස්ථාවේදී ඒ ගිවිසුමේ මැදිහත්කරු වුණු මෝසෙස් කියපු දේට සමාන දෙයක්. (නික් 24:8; හෙබ්‍රෙ 9:19-21) දෙවි ඊශ්‍රායෙල් ජාතිය සමඟ ඇති කරපු ගිවිසුම ස්ථිර කළේ ගොනුන්ගේ සහ එළුවන්ගේ ලේවලින්. ඒ වගේම යෙහෝවා දෙවි තමන් බිහි කරපු අලුත් ජාතිය වන දෙවිගේ ඊශ්‍රායෙල් එක්ක ක්‍රි.ව. 33 පෙන්තකොස්ත දවසේදී ඇති කරපු ගිවිසුම ස්ථිර වුණේ යේසුස්ගේ රුධිරය මාර්ගයෙනුයි.—හෙබ්‍රෙ 9:14, 15.

ගැඹුරින් හොයමු

nwtsty මතෙ 26:17 සටහන

මුහුන් නොදැමූ රොටි උත්සවයේ පළමුවෙනි දවසේදී: මුහුන් නොදැමූ රොටි උත්සවය පටන්ගත්තේ නීසාන් 15වෙනිදා, ඒ කියන්නේ පාස්කු දවසට (නීසාන් 14වෙනිදාට) පහුවදායි. ඒ උත්සවය දවස් හතක් පුරාම පැවැත්වුවා. (sgd 19වෙනි කොටස බලන්න.) ඒත් යේසුස් මේ පොළොවේ හිටිය කාලයේදී පාස්කු උත්සවය මුහුන් නොදැමූ රොටි උත්සවයේම කොටසක් විදිහට සැලකුවා. ඒ නිසා සමහර අවස්ථාවලදී පාස්කු දවස (නීසාන් 14) ඇතුළු ඒ දවස් අටම “මුහුන් නොදැමූ රොටි උත්සවය” (ලූක් 22:1) විදිහට හැඳින්වුවා. මේ බයිබල් පදයේ “උත්සවයේ පළමුවෙනි දවසේදී” කියලා පරිවර්තනය කරලා තියෙන කොටස “උත්සවයට කලින් දවසේදී” කියලත් පරිවර්තනය කරන්න පුළුවන්. (“පළවෙනි” කියන අර්ථය තියෙන [“ප්‍රෝටොස්”] ග්‍රීක වචනය යොහ 1:15, 30 පදවල පරිවර්තනය කරලා තියෙන්නේ “කලින්” කියලයි.) “ප්‍රෝටොස්” කියන ග්‍රීක වචනයට “කලින්” කියන අර්ථයත් ඇතුළත් වෙලා තිබුණු නිසා පාස්කුව සූදානම් කරන්න ඕන කොතැනද කියලා යේසුස්ගේ ගෝලයන් ඇහුවේ නීසාන් 13වෙනිදායි කියලා හිතන්න පුළුවන්. ඒ දේ වුණේ නීසාන් 13වෙනිදා කියන එක යුදෙව්වනුත් පිළිගත්තා. ඒ තොරතුරුවලින් පැහැදිලි වෙනවා යේසුස්ගේ ගෝලයන් පාස්කු උත්සවයට සූදානම් වෙලා තියෙන්නේ නීසාන් 13වෙනිදා දවල් වරුවේ කියලා. එදා “අඳුර වැටීගෙන එද්දී” ඒ කියන්නේ නීසාන් 14වෙනිදා පටන්ගන්නවත් එක්කම තමයි එයාලා පාස්කුව සමරන්න පටන් අරන් තියෙන්නේ.—මාක් 14:16, 17.

nwtsty මතෙ 26:39 සටහන

මේ කුසලානය මගෙන් ඉවත් කරන්න: බයිබලයේ හුඟක් අවස්ථාවලදී “කුසලානය” කියන වචනය පාවිච්චි කරලා තියෙන්නේ සංකේතාත්මක අර්ථයක් දෙන්න. කෙනෙක් වෙනුවෙන් දෙවි අරමුණු කරලා තියෙන දේ නැත්නම් කෙනෙක්ට භාර දීපු වැඩ කොටස වගේ අර්ථයන් ඒකට ඇතුළත් වෙනවා. (මතෙ 20:22 සටහන බලන්න.) දෙවිගේ නමට අපහාස කළා, ආණ්ඩුවට විරුද්ධව කැරලිගැහුවා කියන බොරු චෝදනා පිට මරණය විඳින්න වෙන එක ගැන යේසුස්ට දැනුණේ ලොකු වේදනාවක්. මොකද ඒකෙන් දෙවිගේ නමට ලොකු කැළැලක් ඇති වෙන්න පුළුවන් කියලා ඔහු දැනගෙන හිටියා. මේ “කුසලානය” මගෙන් ඉවත් කරන්න කියලා යේසුස් යාච්ඤා කරන්න පෙලඹුණේ ඒ නිසා වෙන්න ඇති.

අප්‍රියෙල් 9-15

දේවවචනය නිධානයක් | මතෙව් 27-28

“මාගේ ගෝලයන් වෙන්න මිනිසුන්ට උදව් කරන්න”

nwtsty මතෙ 28:19 සටහන්

ගෝලයන් වෙන්න උපකාර කරන්න: මේ විදිහට පරිවර්තනය කරලා තියෙන්නේ “උගන්වන්න” කියන අදහස දෙන “මතේටුඔ” කියන ග්‍රීක ක්‍රියා පදයයි. කෙනෙක්ගේ ගෝලයෙක් වෙන්න උදව් කරන අරමුණින් හරි උපදෙස් ජීවිතයට අදාළ කරගන්න උදව් කරන අරමුණින් හරි වෙන කෙනෙක්ට උගන්වන එක ඒ අදහසට ඇතුළත් වෙනවා. (මතෙ 13:52 ඒ වචනය පරිවර්තනය කරලා තියෙන්නේ “උගන්වන” කියලයි.) “මගේ ගෝලයන් වෙන්න උපකාර කරන්න” කියලා කිව්වාට පස්සේ යේසුස් කිව්වා එයාලව බව්තීස්ම කරන්න සහ එයාලට උගන්වන්න කියලා. ඒකෙන් පැහැදිලි වෙනවා කෙනෙක්ට යේසුස්ගේ “ගෝලයෙක් වෙන්න උපකාර කරන්න” කියලා යේසුස් කියපු දේට එයාලට උගන්වන එකත් බව්තීස්ම වෙන්න එයාලට උදව් කරන එකත් ඇතුළත් වෙනවා කියලා.

සෑම ජාතියකටම අයත් මිනිසුන්: මේ විදිහට පරිවර්තනය කරලා තියෙන ග්‍රීක යෙදුමෙන් මූලිකවම අදහස් වෙන්නේ “සියලු ජාතීන්” කියන අදහසයි. හැබැයි යේසුස් කියපු දෙයින් ඔහු අදහස් කළේ හැම ජාතියකටම අයිති පුද්ගලයන් ගැනයි කියලා අවට පදවලින් පැහැදිලි වෙනවා. පිළිගන්නා අයව බව්තීස්ම කරන්න කියන වාක්‍ය කණ්ඩයේ “අයව” කියලා පරිවර්තනය කරලා තියෙන්නේ ග්‍රීක ව්‍යාකරණ රීතියට අනුව පුරුෂ ලිංග නාම පදයක්. ඒකෙන් යොමු දක්වන්නේ මිනිසුන්ව මිසක් ග්‍රීක ව්‍යාකරණ රීතියට අනුව නපුංසක ලිංග නාම පදයක් හැටියට සැලකෙන “ජාතීන්ව” නෙවෙයි. සෑම ජාතියකටම අයත් මිනිසුන් කියලා පරිවර්තනය කරලා තියෙන එක නිවැරදියි කියලා ඒකෙන් පැහැදිලි වෙනවා. “සෑම ජාතියකටම අයත් මිනිසුන්” ළඟට යන්න කියන මේ ආඥාව අලුත් එකක්. මොකද ඊට කලින් ඊශ්‍රායෙල්වරුන් වෙනත් ජාතීන්ට අයිති අයව සතුටින් පිළි අරන් තියෙන්නේ එයාලා දෙවිට නමස්කාර කරන්න කැමැත්තෙන්ම තමන්ගේ දේශයට ආවොත් විතරයි. (1රාජා 8:41-43) හැබැයි යේසුස් දීපු මේ ආඥාවෙන් ඔහු පැහැදිලිවම කිව්වා ශුභාරංචිය ගැන කියන්න ඕනෙ යුදෙව්වන්ට විතරක් නෙවෙයි කියලා. ඔහු කිව්වේ ලෝකේ පුරාම ඉන්න මිනිසුන්ට ඔහුගේ ගෝලයන් වෙන්න උදව් කරන්න කියලයි.—මතෙ 10:1, 5-7; එළි 7:9; මතෙ 24:14 සටහන බලන්න.

nwtsty මතෙ 28:20 සටහන

ඔවුන්ට උගන්වන්න: “උගන්වන්න” කියලා පරිවර්තනය කරලා තියෙන ග්‍රීක වචනයට උපදෙස් දෙන්න, පැහැදිලි කරන්න, තර්කානුකූලව දේවල් පහදලා දෙන්න, සාක්ෂි පෙන්වන්න කියන අදහස් ඇතුළත් වෙනවා. (මතෙ 3:1; 4:23 සටහන් බලන්න.) යේසුස් අණ කළ සෑම දෙයක්ම පිළිපදින්න මිනිසුන්ට උගන්වන එක දිගටම කරන්න ඕන දෙයක්. යේසුස් උගන්වපු දේවල් උගන්වන එක, ඒ දේවල් ජීවිතයට අදාළ කරගන්න එක, යේසුස්ගේ ආදර්ශය අනුගමනය කරන එක ඒකට ඇතුළත් වෙනවා.—යොහ 13:17; එෆී 4:21; 1පේතෘ 2:21.

ගැඹුරින් හොයමු

nwtsty මතෙ 27:51 සටහන්

තිරය: හරිම ලස්සන විදිහට හදලා තිබුණු මේ තිරයෙන් තමයි අතිශුද්ධස්ථානය ශුද්ධස්ථානයෙන් වෙන් කරලා තිබුණේ. යුදෙව් ලියවිලිවල සඳහන් වෙන විදිහට මේ තිරය මීටර් 18ක් (අඩි 60ක්) උසයි. මීටර් 9ක් (අඩි 30ක්) පළලයි. සෙන්ටිමීටර් 7.4ක (අඟල් 2.9ක්) ගනකමකින් යුක්තයි. තිරය දෙකට ඉරෙන්න සලස්වපු එකෙන් තමන්ගේ පුත්‍රයාව මරලා දාපු එක ගැන යෙහෝවා දෙවිගේ හිතේ මොන තරම් උදහසක් තිබුණාද කියලා පැහැදිලි වුණා. ඒ විතරක් නෙවෙයි යේසුස්ට ස්වර්ගයට අතුල් වෙන්න අවස්ථාව උදා වුණා කියන එකත් සංකේතවත් කළා.—හෙබ්‍රෙ 10:19, 20; ශබ්දකෝෂය බලන්න.

ශුද්ධස්ථානය: මේ විදිහට පරිවර්තනය කරලා තියෙන්නේ “නාඔස්” කියන ග්‍රීක වචනයයි. ඒකෙන් අතිශුද්ධස්ථානය සහ ශුද්ධස්ථානය ඇතුළු දේවමාලිගාවේ මුළු ගොඩනැඟිල්ලම අදහස් කරනවා.

nwtsty මතෙ 28:7 සටහන

ඔහුව මරණයෙන් නැඟිටුවනු ලැබූ බව ඔහුගේ ගෝලයන්ට කියන්න: යේසුස්ව නැවත නැඟිටවලා කියලා දේවදූතයා මුලින්ම කිව්වේ ස්ත්‍රීන්ට. ඒ ගැන අනිත් අයට කියන්න කියලා මුලින්ම කිව්වෙත් ඒ ස්ත්‍රීන්ටමයි. (මතෙ 28:2, 5, 7) යුදෙව් සම්ප්‍රදායට අනුව සාමාන්‍යයෙන් කාන්තාවක් ඉදිරිපත් කරන සාක්ෂි උසාවියකදී පිළිගත් සාක්ෂියක් විදිහට සැලකුවේ නැහැ. හැබැයි ඊට වඩා හාත්පසින්ම වෙනස් විදිහට යෙහෝවා දෙවි යේසුස්ව නැවත නැඟිටෙව්වා කියන ආරංචිය අනිත් අයට දැනුම් දෙන්න ස්ත්‍රීන්ට භාර දුන්නා. තමන්ට ලැබුණු පැවරුම ගැන ඒ ස්ත්‍රීන් මොන තරම් සතුටු වෙන්න ඇද්ද!

අප්‍රියෙල් 16-22

දේවවචනය නිධානයක් | මාක් 1-2

“ඔබේ පව්වලට සමාව ලැබී තිබෙනවා”

nwtsty මාක් 2:9 සටහන

වඩා පහසු කුමක්ද: ඔයාගේ පව්වලට සමාව ලැබිලා තියෙනවා කියලා කෙනෙක්ට කියන එක ලේසියි. මොකද ඒ පුද්ගලයාට ඇත්තටම සමාව ලැබුණාද නැද්ද කියන එකට සාක්ෂි ඉදිරිපත් කරන්න කියලා කවුරුත් කියන්නේ නැහැ. හැබැයි යේසුස් ඒ මිනිසාට කිව්වා නැඟිට . . . ඇවිදින්න කියලා. එහෙම කියන එක ලේසි නැහැ. මොකද එහෙම කියපු එකෙන් සමාව දෙන්න තමන්ට අයිතිය තියෙනවා කියලා ඔප්පු කරන්න යේසුස්ට ආශ්චර්යයක් කරන්න සිද්ධ වුණා. මේ බයිබල් වාර්තාවෙන් සහ යෙසා 33:24න් පැහැදිලි වෙනවා අපි අසනීප වෙන්නේ අපිට පාපය උරුම වෙලා තියෙන නිසයි කියලා.

ගැඹුරින් හොයමු

nwtsty මාක් 1:11 සටහන්

හඬක් ස්වර්ගයෙන් නික්මුණේය: යෙහෝවා දෙවි කෙළින්ම මිනිසුන්ට කතා කළා කියලා බයිබලයේ සඳහන් වෙන වාර්තා තුන අතරින් මුල්ම සිද්ධිය සඳහන් වෙන්නේ මේ පදයෙයි.—මාක් 9:7; යොහ 12:28 සටහන් බලන්න.

මාගේ . . . පුත්‍රයා ඔබයි: ස්වර්ගයේ ඉද්දී යේසුස් දෙවිගේ පුත්‍රයා විදිහට ජීවත් වුණා. (යොහ 3:16) යේසුස් මේ පොළොවේ ඉපදුණාට පස්සේ දෙවි ඔහුව සැලකුවේ පරිපූර්ණ ආදම්ව සැලකුව විදිහටමයි. (ලූක් 3:38) ඒ කියන්නේ තමන්ගේ පුත්‍රයෙක් විදිහටයි. (ලූක් 1:35) හැබැයි මේ වතාවේදී දෙවි යේසුස්ට පුත්‍රයා කියලා කියද්දී ඔහුව හඳුන්වා දෙනවාට වඩා වැඩි දෙයක් කළා. යේසුස් තම පුත්‍රයා කියලා කියනවාත් එක්කම දෙවි තම බලය ඔහු තුළ ක්‍රියාත්මක වෙන්න සැලැස්සුවා. ඒ විදිහට දෙවි යේසුස්ට “අලුත් උපතක්” ලබා දුන්නා. ඒ නිසා නැවත ස්වර්ගයට ගිහින් දෙවිගේ පුත්‍රයා විදිහට ජීවත් වෙන්නත් අනාගතයේදී උත්තම පූජකයා සහ දේවරාජ්‍යයේ රජ විදිහට වැඩ කරන්නත් යේසුස්ට මඟ විවර වුණා.—යොහ 3:3-6; 6:51; ලූක් 1:31-33; හෙබ්‍රෙ 2:17; 5:1, 4-10; 7:1-3 බලන්න.

මම ඔබව අනුමත කළෙමි: මේ විදිහට පරිවර්තනය කරලා තියෙන ග්‍රීක යෙදුම “මං ඔයා ගැන හුඟක් සතුටු වෙනවා” කියලත් පරිවර්තනය කරන්න පුළුවන්. මතෙ 12:18 සඳහන් කරලා තියෙන්නෙත් ඒ යෙදුමමයි. ඒ පදය උපුටලා අරන් තියෙන්නේ පොරොන්දු වුණ ගැලවුම්කරු ඒ කියන්නේ ක්‍රිස්තුස් ගැන කියන යෙසා 42:1න්. යෙහෝවා දෙවි තමන්ගේ බලය ලබා දීපු එකෙනුත් මේ මාගේ පුත්‍රයා කියලා කියපු එකෙනුත් යේසුස් තමයි පොරොන්දු වුණ ගැලවුම්කරු කියලා හොඳටම පැහැදිලි වුණා.—මතෙ 3:17; 12:18 සටහන් බලන්න.

nwtsty මාක් 2:28 සටහන

සබත් දවස පවතින්නේ මනුෂ්‍ය පුත්‍රයාගේ බලය යටතේයි: යේසුස් මෙතැනදී කතා කළේ තමන් ගැනමයි. (මතෙ 12:8; ලූක් 6:5) ඒකෙන් ඔහු පෙන්නුවේ ස්වර්ගයේ ඉන්න තමාගේ පියාණන් අණ කළ ඕනෑම වැඩක් සබත් දවසේදී කරන්න තමන්ට අයිතිය තිබුණු බවයි. (යොහ 5:19; 10:37, 38 බලන්න.) සබත් දවසේදී යේසුස් අසනීප අයව සුව කරපු එක ඇතුළු හුඟක් ආශ්චර්යයන් කළා. (ලූක් 13:10-13; යොහ 5:5-9; 9:1-14) දෙවිගේ රාජ්‍යයේ රජ හැටියට ඔහු පොළොව පාලනය කරන්න පටන්ගත්තාම මිනිසුන්ට මොන තරම් සහනයක් අද්දකින්න පුළුවන්ද කියලා ඒකෙන් තේරුම්ගන්න පුළුවන් වුණා. ඒ කාලය දෙවිගේ සෙනඟ විවේකයෙන් ගත කරපු සබත් දවස වගේ වෙයි.—හෙබ්‍රෙ 10:1.

අප්‍රියෙල් 23-29

දේවවචනය නිධානයක් | මාක් 3-4

“සබත් දවසේදී කෙනෙක්ව සුව කිරීම”

nwtsty මාක් 3:5 සටහන

බොහෝ සෙයින් දුක් වූ යේසුස් ඔවුන් දෙස උදහසින් බලා: මේ සිද්ධිය වාර්තා කරද්දී ආගමික නායකයන්ගේ හිත්වල තිබුණු දැඩිකම ගැන යේසුස්ට හැඟුණු විදිහ සඳහන් කරලා තියෙන්නේ මාක්ගේ සුවිශේෂයේ විතරයි. (මතෙ 12:13; ලූක් 6:10) මාක් යේසුස්ට හැඟුණු විදිහ ගැන එච්චර විස්තර දැනගන්න ඇත්තේ පේතෘස්ගෙන් කියලා හිතන්න පුළුවන්. මොකද පේතෘස් කියන්නේ සංවේදී හදවතක් තිබුණු කෙනෙක් නිසා ඒ අවස්ථාවේදී යේසුස්ට හැඟුණු විදිහ ගැන එයාට තේරුම්ගන්න පුළුවන් වෙන්න ඇති.—“මාක් පොතට හැඳින්වීමක්” බලන්න.

ගැඹුරින් හොයමු

nwtsty මාක් 3:29 සටහන්

දෙවිගේ බලයේ ක්‍රියාකාරිත්වය දැක එයට විරුද්ධව අපහාස කළොත්: මේ පදයේ අපහාස කළොත් කියලා පරිවර්තනය කරලා තියෙන ග්‍රීක වචනයට දෙවිට හරි පරිශුද්ධ දේකට හරි නිග්‍රහ කරන එක සහ විරුද්ධව කතා කරන එක කියන අදහස් ඇතුළත් වෙනවා. කෙනෙක් දෙවිගේ බලයේ ක්‍රියාකාරිත්වය දැක දැකත් හිතාමතාම ඒ දේ පිළිගන්නේ නැත්නම් ඒක ඒ බලය ලබා දෙන දෙවිට කරන අපහාසයක්. යුදෙව් ආගමික නායකයන් යේසුස් ආශ්චර්යයන් කළේ දෙවිගේ බලයේ උපකාරයෙන් කියලා පැහැදිලිව දැක්කත් එයාලා කිව්වේ යේසුස් ඒ දේ කළේ සාතන් නමැති යක්ෂයාගේ බලයෙන් කියලයි. මතෙ 12:24, 28 සහ මාක් 3:22 පදවලින් ඒ ගැන දැනගන්න පුළුවන්.

ඒ පාපයට කිසි දිනක සමාවක් නොලැබෙයි: පේන විදිහට මේ පදයේ කතා කරන්නේ දෙවිගෙන් කවදාවත් සමාව ලැබෙන්නේ නැති හිතාමතාම කරන පාපයක් ගැනයි. කිසිම පූජාවක් මාර්ගයෙන්වත් ඒ පාපයට සමාවක් ලැබෙන්නේ නැහැ.—මේ පදයේම දෙවිගේ බලයේ ක්‍රියාකාරිත්වය දැක එයට විරුද්ධව අපහාස කළොත් කියන සටහන සහ මේ සිද්ධියම සඳහන් වෙන මතෙ 12:31 සටහන බලන්න.

යහපත් ක්‍රිස්තියානීන් වෙමු

nwtsty මාක් 4:9 සටහන

මා පවසන දේට සවන් දී එය තේරුම්ගැනීමට උත්සාහ කරන්න: වපුරන්නා ගැන උපමාව කියන්න කලින් යේසුස් කිව්වා “සවන් දෙන්න” කියලා. (මාක් 4:3) උපමාව කියලා ඉවර කරද්දී යේසුස් ආපහු ඒ දේම කිව්වේ ඔහු කියන දේවලට හොඳින් ඇහුම්කන් දීලා ඒවා හිතට ගන්න එක කොයි තරම් වැදගත්ද කියලා තමන්ගේ අනුගාමිකයන්ට කාවද්දන්නයි. ‘සවන් දෙන්න’ කියන යෙදුම බයිබලයේ තවත් අවස්ථාවලත් සඳහන් වෙලා තියෙනවා.—මතෙ 11:15; 13:9, 43; මාක් 4:23; ලූක් 8:8; 14:35; එළි 2:7, 11, 17, 29; 3:6, 13, 22; 13:9.

අප්‍රියෙල් 30–මැයි 6

දේවවචනය නිධානයක් | මාක් 5-6

“මිය ගිය අයව නැවත නැඟිටුවන්න යේසුස්ට බලය තියෙනවා”

nwtsty මාක් 5:39 සටහන

මිය ගිහින් නැහැ. ඇය නිදාගෙන සිටිනවා විතරයි: බයිබලයේ හුඟක් අවස්ථාවලදී මරණය නින්දකට සමාන කරලා තියෙනවා. (ගීතා 13:3; යොහ 11:11-14; 1කොරි 15:51; 1තෙස 4:13) යේසුස් ඒ දේ කිව්වේ ඒ දැරිය නැවත නැඟිටුවන්න කලින්. ඔහු එහෙම කියන්න ඇත්තේ නිදාගෙන ඉන්න කෙනෙක් අවදි වෙනවා වගේ මැරිලා ඉන්න අයට ආයෙත් ජීවිතය දෙන්න පුළුවන් කියලා පෙන්වන්න වෙන්න ඇති. ඒ දැරියට ආයෙත් ජීවිතය දෙන්න යේසුස්ට බලය ලැබුණේ “මිය ගොස් ඇති අයව නැවත ජීවත් කරවන, ඉටු වී නැති දේවල් පවා ඉටු වී ඇති බවට ප්‍රකාශ කරන” ඔහුගේ පියාගෙන්.—රෝම 4:17.

ගැඹුරින් හොයමු

nwtsty මාක් 5:19 සටහන

නෑදෑයන්ට කියන්න: සාමාන්‍යයෙන් යේසුස් ආශ්චර්යයක් කළාට පස්සේ ඒ ගැන අනිත් අයට කියන්න එපා කියලා කිව්වත් මේ වතාවේදී ඒ මිනිසාට කිව්වේ මේ ගැන එයාගේ නෑදෑයන්ට කියන්න කියලයි. (මාක් 1:44; 3:12; 7:36) යේසුස් එහෙම කියන්න ඇත්තේ ඔහුට ඒ පළාතෙන් යන්න කියලා කියපු නිසා ආයෙත් ඒ පළාතේ අයට සාක්ෂි දරන්න අවස්ථාවක් ලැබෙන්නේ නැති නිසා වෙන්න ඇති. ඌරු රැළට සිද්ධ වුණු දේ ගැන බොරු කටකතා පැතිරෙන එක නතර කරන්නත් ඒක උදව්වක් වුණා කියලා හිතන්න පුළුවන්.

nwtsty මාක් 6:11 සටහන

ඔබේ පාදවල තිබෙන දූවිලි ගසා දමන්න: නියෝජිතයන් එහෙම කළේ ශුභාරංචියට ඇහුම්කන් දෙන්නේ නැති අයගේ ලේවලට එයාලා වග කියන්න ඕනෙ නැහැ කියන එක පෙන්වන්නයි. ඒ හා සමාන අදහසක් ගැන මතෙ 10:14; ලූක් 9:5 සඳහන් වෙනවා. මාක් සහ ලූක් ඒ සිද්ධීන් වාර්තා කරද්දී සාක්ෂියක් ලෙස කියන යෙදුමත් යොදාගෙන තියෙනවා. පාවුල් සහ බානබස් පිසිදිය ප්‍රදේශයේ පිහිටි අන්තියෝකියෙන් පිටත් වෙලා යද්දී එයාලගේ කකුල්වලින් දූවිලි ගසලා දාලා තියෙනවා. (ක්‍රියා 13:51) පාවුලුත් කොරින්තියේදී එයාගේ ඇඳුමෙන් දූවිලි ගසලා දාලා තියෙනවා. එයා එහෙම කළේ ඇයි කියන එක ගැන පාවුල් මෙහෙම කිව්වා. “ඔබ සම්බන්ධයෙන් මම නිදොස්. ඔබේ ලේවලට වග කියන්න සිදු වන්නේ ඔබටමයි.” (ක්‍රියා 18:6) ඒ වගේ දේවල් කරන එක නියෝජිතයන්ට අලුත් දෙයක් වුණේ නැහැ. යුදෙව් සම්ප්‍රදාය ගැන හරිම ආඩම්බරයෙන් හිටිය අය වෙනත් ජාතීන්ට අයිති ප්‍රදේශයකට ගිහින් දූවිලි වැදුණත් එයාලා අපවිත්‍ර වෙනවා කියලයි හිතුවේ. ඒ නිසා ඒ වගේ ප්‍රදේශයකට ගිහින් තමන්ගේ ප්‍රදේශයට එන්න කලින් එයාලගේ කකුල්වල තියෙන දූවිලි ගසලා දාන්න එයාලා පුරුදු වෙලා හිටියා. හැබැයි යේසුස් දූවිලි ගසන්න කියලා ගෝලයන්ට කිව්වේ ඊට වඩා හාත්පසින්ම වෙනස් අදහසක් ඇතුවයි.