නවසීලන්තයට යමු

මීට අවුරුදු 800කට විතර කලින් පොලිනීසියාවේ දූපත්වල හිටිය මවුරි ගෝත්‍රිකයන් සැතපුම් දහස් ගණනක් සයුර තරණය කර දූපතකට ගොඩ බැස්සා. ඒ දූපත ඔවුන් කලින් හිටිය දූපත්වලට වඩා හාත්පසින්ම වෙනස්. ඔවුන් ගොඩ බැස්සේ කඳු යායවල්, හිමෙන් වැසී ගිය කඳු වැටි, උණු දිය උල්පත්වලින් පිරිණු සුන්දර නවසීලන්තයටයි. තවත් අවුරුදු 500කට විතර පස්සේ යුරෝපීය ජාතිකයන් පිරිසකුත් නවසීලන්තයට ආවා. ඒ නිසයි අද නවසීලන්තයේ යුරෝපීය සහ මවුරි ජාතිකයන්ගේ සිරිත් විරිත් දකින්න ලැබෙන්නේ. එහි වැසියන්ගෙන් 90%ක්ම ජීවත් වෙන්නේ නගරබදව. ලෝක සිතියමේ පහළින්ම පිහිටා ඇති අගනුවර විදිහට මේ රටේ අගනුවර වන වෙලිංටන් හඳුන්වනවා.

නවසීලන්තය ටිකක් හුදෙකලාව පිහිටි රටක් වුණත් එහි ඇති ජෛව විවිධත්වයත් සුන්දර වටපිටාවත් නිසා වසරකට මිලියන 3ක විතර සංචාරකයන් පිරිසක් ඒ රටට ඇදී එනවා.

නවසීලන්තයටම ආවේණික ටිකක් අමුතු තාලේ වන ජීවී විශේෂ කිහිපයක්ම ඒ රටේ දැකගන්න පුළුවන්. ලෝකයේ පියාඹන්න බැරි පක්ෂි විශේෂවලින් වැඩි ප්‍රමාණයක් ඉන්නේ නවසීලන්තයේ. අවුරුදු 100ක් විතර ජීවත් වන කටුසු විශේෂයක් වන ටුවටාරාගේ නිවහනත් නවසීලන්තයයි. රටටම ආවේණික ක්ෂිරපායි සතුන් විදිහට සැලකෙන්නේ වවුල් විශේෂ කීපයක් සහ තල්මසුන්, ඩොල්ෆින් වැනි ජීවීන් විතරයි.

නවසීලන්තයේ සිටින යෙහෝවා දෙවිගේ සාක්ෂිකරුවන් අවුරුදු 120ක් පුරා රාජ්‍යය පිළිබඳ ශුභාරංචිය දේශනා කරනවා. ඒ වගේම භාෂා 19කින් විතර බයිබලේ තියෙන තොරතුරු කියලා දෙනවා. න්‍යුවන්, රාරොටොංගන්, සැමෝවන්, ටොංගන් වගේ ගෝත්‍රික භාෂාත් ඒවාට ඇතුළත්.