Egensiishsha

◼ Ellanni borro: Ammajje: Isi Atera Assaawanno Kalaqaanchi No?, Maatete Hagiirrira Qara Ikkinori Maati?, woyi Qullaawu Maxaafi Maganu Qaaleetinso Mannunniho? Badheessa: Qullaawu Maxaafi Addinta Mayyee Rosiisanno? Umo manna hasaawissinanni barra Qullaawu Maxaafi xiinxallo jammarsiisate woꞌnaalle. Dotteessanna Onkoleessa: Agarooshshu Shaenna Baqqi Yiiyye! Coyishiishshinoonni manchi hasatto noosiha ikkiro, Halaale Afa Hasiꞌratto? yitanno tiraakte uyitine Qullaawu Maxaafi xiinxallo jammarsiisate woꞌnaalle.

◼ Qaaggooshshu ayyaana ayirrinsihunni aane noo Sambatira, “Goofimarchu Heddinoonnikki Yannaralla Daa?” yitannoti baxxitino nigiggire shiqqanno.

◼ Ammajje 1, 2012⁠nni jammare mannaho ellannite Agarooshshu Shaera, “Qullaawu Maxaafinni Roseemmore” yaanno birxichi fulanno. Qixxeessinoonnihu, annuwunna amuwu sase diro ikkinonsarenna hakkuyira woroo noo qaaqquullensa tamaarsiissanno gedeeti; kuni birxichi “Oosoꞌne Tamaarsiisse” nna “Shiimmaadda Oosora” yaanno birxichi ledo tara tara fulanno.

◼ Muli yannara fultinote soqqanshote rippoortera woyi muli yannahu Diru Maxaafira qummi assinoonnikki gobba umiꞌne hajora haꞌra hasidhinanni wote, qoropha hasiissannoꞌne coye afate woyi hatte gobba haꞌrate harunsa hasiissannoꞌnehu baxxino biddishshi nooro buuxate sinu biiro xaꞌme. Miteekkite haꞌra hasidhinoonni gobba sabbakate looso hoolloonnita ikkitara dandiitanno. (Maat. 10:16) Mite gobbara qole, wolewiinni marino manni hakko noo roduuwi woyi songo ledo xaadduro dancha ikka hoogara dandiitanno. Qoleno borro adhe haꞌranna tunceenyu farco lainohunni wole biddishshano uyinaꞌnera dandiinanni. Uyinanniꞌne biddishsha harunsaꞌne, kiꞌneno ikko hadhinanni gobbara nooha Maganu Mangiste looso hasiisannokki qarrinni gatissanno.—1 Qor. 14:33, 40.