Egensiishsha

◼ Ellanni borro: Badheessanna Dotteessa: Agarooshshu Shaenna Baqqi Yiiyye! yinanni metseetta. Manna galagaltine martine hasaawissinanni wote, Qullaawu Maxaafi Roso yinanni maxaafa woy manchu dandoo garinni, Maganu Yaannore Macciishshi woy Maganu Yaannore Macciishshite Hegerera Heeꞌri yitanno biroshere giddo mitte uyitinesi xiinxallo jammarsiisate woꞌnaalle. Onkoleessanna Ella: Aante noo tiraaktuwa giddo mitte ela dandiitinanni: Maatete Heeshshonni Hagiidha, Alame Gashshanni Noohu Ayeeti?, Qullaawu Maxaafi Yaannore Ammanatto Gede Assannoheri Maati?, woy Halaale Afa Hasiꞌratto? Coyishiishshinoonni manchi hasatto noosiha ikkiro, Qullaawu Maxaafi Roso yinanni maxaafa woy Maganu Yaannore Macciishshi woy Maganu Yaannore Macciishshite Hegerera Heeꞌri yinanni biroshere uyitine Qullaawu Maxaafi xiinxallo jammarsiisate woꞌnaalle.

◼ Tayixe Qaagooshshu Ayyaana ayirrinsannihu Badheessa 26, 2013⁠nni Maakisanyote barraati. Songoꞌnehu gambooshshu barri Maakisanyo ikkiro, hatte saammintera wole songo Mangistete Addaraashe horoonsidhannokki barra doortine assidhe. Hatte saammintera Soqqanshote Gambooshshi assidhinikkinni sairo, cimeeyyete bisi qineessaanchi songoꞌnera roore hasiissanno kifilla hakko agani giddo wole saammintera shiqinshanni gede assara dandaanno. Qaagooshshu ayyaana ayirrinsanni saammintera woradu aliidi laꞌꞌaanchi towaatanno songo, hatte saammintera Maakisanyote barra assiꞌnanni gambooshshe wolu barrira sayisa hasiissanno.