Qanchu Soqqanshoha Luphi Yiino Guma

Jajjabba Katammara Gudumaaleho Farciꞌrate Kaaꞌlitannote Addi Doogonni, Dotteessa 10, 2014 jammarre Addisi Awawaho shoolewa babbaxxino bayicho, hattono Mojonna Adaamu katamira dancha gede farciꞌnanni heeꞌnoommo. Xaa geeshsha 10,097 maxaaffa, 8,196 metseetta, 4,824 birosherubbanna 1,191 tiraaktuwa elloonni. Wole bayichono konni garinni farciꞌrate qixxaawo assinanni heeꞌnoonni. Aleenni kullihu addi addi bayichira xa 160 suwisaano soqqantanni no. Kuri suwisaano assitanni noori lowo geeshsha jawaachishannohonna galantanninsa gede assannoho. Insa Maganu Mangiste balaxisiisate yite loosu pirogiraamensanna uminsa diinagge haaro ikkite biddi assidhino. Kuri suwisaano lowo irko afidhinota hattono Yihowanna dirijjitesi wokkalte gudumaaleho uurransa lowo geeshsha hagiidhitanno gede assitinonsata coyidhino. Borronke adhino mannino loosonke naadino, hattono Qullaawa Maxaafa xiinxalla hasiꞌrannota leellishanni no. Konni garinni farciꞌrate yite woꞌma yanna soqqansho jammartino halashshaanono no. Tini Yihowa konne looso maassiꞌranni nootanna konni garinni soqqama dancha guma abbitannota leellishshannote.