Qanchu Soqqanshoha Luphi Yiino Guma

Tayixehu soqqanshote dirira, xaa geeshsha Itophiyaho shoole songuwanna sette gaamuwa kalaqantinota kulleemmoꞌne wote tashshi yaannonke. Songuwate kiiro xaphoomunni 217 ikkitino; kuri giddo 70 heedhannohu Addisi Awawahooti. Ikkirono, wongeelu loosi halaꞌlanno gede assate loonsannihu lowo loosi no. Yihowa wolqansanna woxensa iso ayirrisate horoonsidhannori assitannore baala maassiꞌrannota anfoommo.

Qoleno, ille ballino manna kaaꞌlate mite yine, borro Amaaru Afii Bireelenni qixxeessinoonnita kulleemmoꞌne wote lowo geeshsha tashshi yaannonke. Tini qixxaawo, Isayyaasi 35:5 te aana kulloonni masaalo woꞌmitanno yanna agadhe noohu lowo mannira ayyaanaamittete illensa faꞌnantanno gede assate kaaꞌlitannota dihuluullammeemmo.