Mitto Diro Woꞌnaalte Laꞌꞌattokka?

Maa woꞌnaalo? Woꞌma yanna suwisaancho ikka! Afiꞌratto atooti baete!—La 10:22.

SUWISAANCHO IKKITTORO, . . .

• wongeellu loosira albinni roore fullahoottoha ikkatto, hattono soqqansho roore hagiirsiissannohe

• Yihowa ledo noohe jaaloomi lexxanno. Wolootaho isire kulitto kiiro, dhaggennita isi akatta roore qaagatto

• umikki hajonni roore Maganu Gashshoote balaxisiisakkinni tashshi yaannohe; qoleno ateneeto wolootaho uyite soqqamakkinni hagiidhatto. —Mt 6:33; Soq 20:35

• woradu aliidi laꞌꞌaanchi towaanyo yannara heeꞌrannoha suwisaanote gambooshshenna woradu gambooshshi yannara heeꞌrannoha baxxinoha suwisaanote gambooshshe beeqqa, hattono Suwisaanote Soqqansho Rosi Mine ea dandaatto

• Qullaawu Maxaafi xiinxallo hanafisiisatenna xiinxallisate roore faro afiꞌratto

• halashshaanote ledo halaꞌlado yanna sayisatenna insa ledo mimmito jawaachishate faro heedhannohe.—Ro 1:11, 12