Xaa Yannara Yihowa Fajjo Assitanni Noori Ayeooti?—Yitanno Biroshere Horoonsiꞌnanni Gara

Xaa Yannara Yihowa Fajjo Assitanni Noori Ayeooti? yitanno biroshere qixxeessinoonnihu Qullaawu Maxaafi rosaancho xiinxallinsara albaanni woy xiinxallinsihu gedensaanni ledosi hasaambanni gedeeti.* Roso 1 kayise 4 geeshsha noohu Qullaawu Maxaafi rosaanchi ninke daafira afanno gede, roso 5 kayise 14 geeshsha noohu loonseemmo loosi daafira afanno gedenna, roso 15 kayise 28 geeshsha noohu dirijjitenke assitannore afanno gede kaaꞌlannosi. Baddine xiinxalla hasidhinanni birxichi heeꞌriro ikkinnina, tenne biroshere aante aantetenni xiinxallitiniro woyyanno. Mittu rosi mitto qoola disaꞌꞌanno; konne roso duucha wote ontu woy tonnu daqiiqinni hasaawa dandiinanni.

• 

  Rosu birxichira noo xaꞌmo illachishshe

• Roso mitteenni nabbabbe, baalanka mitte higgine nabbawa woy mitte mitte gufo calla nabbawa dandiitinanni

• Nabbabbinoonnire hasaabbe. Lekkaalliidi adda noo xaꞌmuwanna misilla horoonsidhe. Hasiisannoha ikkiro qummeeshshuwa nabbabbine hasaabbe. Duꞌminse borreessinoonnihu cinaanchu birxichi birxichoho noo xaꞌmora dawaro qolanno gara luphi asse

• “Egenno Lexxe” yitanno saaxine nooha ikkiro, mitteenni nabbabbe hattono rosaanchu hakko kulloonni roso loosunni leellishanno gede jawaachishshe