Soqqanshonke Isilanchimma Woyyeessiꞌra—Silketenni Farciꞌra Dancha Guma Abbitara Dandiitanno

HASIISSANNOHU MAYIRAATI? Silketenni farciꞌrate woꞌnaala hasiissannonkehu mayiraati? Silketenni farciꞌrano, mannu gato afiꞌrate kaaꞌlitannota gara ikkitino egenno afiꞌranno gede kaaꞌlitara dandiitannohuraati. (2Ph 3:9) Maganu Gashshootiha dancha duduwo sabbankeemmoti qara doogo minunni mine haꞌra ikkiturono, minensa marre hoongeemmo mannira farciꞌrate wole dooggano horoonsiꞌneemmo.—Mt 24:14; Lu 10:1-7; Aj 14:6.

TENNE ASSA DANDIINANNI GARA:

• Silketenni farciꞌneemmo woyite, nabbambanni heeꞌnoommoha lawikkinni hasaawu garinni coyiꞌra hasiissannonke.

• Konni albaanni silketenni farcidhe egentinokki halashshaano, hasaawu bitimansa nabbabbanni farciꞌra dandiitannoha ikkirono, hasaawu garinni coyiꞌra hasiissannonsa. Qullaawa Borronni Korkaata Xawisa yinanni maxaafira, Maganu Mangiste Soqqanshonkera hattono Halaale Afa Hasiꞌratto? yitanno tiraaktera noohu hasaawu bitimi tennera kaaꞌlannonke.

• Umikkiha hasaawu bitima qixxeessiꞌratto woyite, coyi umo, mitte xaꞌmo, hattono xaꞌmote dawaro qoltannota boode qummeeshshuwa doodhi.

• Roore anga, minunni mine haꞌne ellanni heeꞌnoonni borro ela dandaatto.