Yihowa Addaxxineemmota Leellinsheemmota Sase Doogo

Daawiti Yihowa addaxxino daafira Gooliyaadi qeelino. (1Sa 17:45) Yihowa baalanta soqqamaasinesi jawaachisha hasiꞌranno. (2Du 16:9) Uminke woꞌnaalshanna dandoo ikkikkinni Yihowa kaaꞌlannonketa addaxxa dandiineemmohu hiittoonniiti? Hanni sase doogo laꞌno:

• Duuchanka woyite huucciꞌri. Soꞌro loosittohu gedensaanni Yihowa maarannohe gede calla ikkikkinni, fonqolo ikkannori iillannohe woyite jawaante afiꞌrateno huucciꞌri. (Mt 6:12, 13) Mitto doorsha doodhittohu gedensaanni, Yihowa maassiꞌrannohe gede huucciꞌrantenni, doodhattora albaanni biddishshanna hayyo aannohe gede huucciꞌri.—Ya 1:5

• Qullaawa Maxaafa nabbawatenna xiinxallate pirogiraame fushshiꞌri. Qullaawa Maxaafa barru baala nabbawi. (Fa 1:2) Qullaawu Maxaafi giddo kulloonni lawishshuwa hiinci; hattono rosoottore loosu aana hosiisi. (Ya 1:23-25) Umikki dandoo addaxxantenni soqqanshote qixxaawi. Songote gambooshshinni woꞌmunni woꞌma horo afiꞌrate seekkite qixxaawi.

• Yihowa dirijjite ledo buusante loosi. Yihowa dirijjite haarote uyitanno biddishsha bayichonkonni harunsi. (Ki 9:17) Songote cimeeyye amaalenna biddishsha uyitanno woyite macciishshi.—Ib 13:17

DARTE WAAJJINEEMMO GEDE ASSANNONKERI DINO YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:

• Roduuwaho waajjishannohu hiittoo coyi iillinonsa?

• Insa waajja qeeꞌlitanno gede kaaꞌlinonsari maati?