Yihowa Huuccattoꞌnera Qolanno Dawaro Wodanchitinanni?

Qullaawu Maxaafi giddo Yihowa huuccattonsa macciishshe dawaro qolinohu batinyu manni lawishshi no. Yihowa soqqamaano, qarru amadinsa yannara isi huuccattonsa macciishshe kaaꞌlinonsata huwattuta ammanansa roore kaajjitinoti dihuluullissannote. Hakko daafira huuccatto assiꞌneemmo woyite hasiꞌnoommo coye bande kulanna Yihowa huuccattonkera dawaro qolannonkehu hiittoonniitiro wodanchate woꞌnaala hasiissannonke. Yihowa huuccattonkera dawaro qolannohu ninke hedoommo garinni ikka hoogara woy ninke hendoommohunni aleenni ikkara dandaannota qaango. (2Qo 12:7-9; Ef 3:20) Yihowa huuccattonkera dawaro qolannohu hiitte doogganni ikkara dandaanno?

• Qarru amadannonke woyite wodanaaꞌmineemmo gedenna ayyaanaamittete jawaante afiꞌneemmo gede kaaꞌlannonke.—2Qo 4:7

• Dancha doorsha doodhineemmo gede kaaꞌlitannonke hayyo aannonke—Ya 1:5

• Loosoho kaꞌneemmo gede hasattonna wolqa aannonke.—Fil 2:13, NW

• Yaandeemmo woyite wodanaaꞌmineemmo gede kaaꞌlannonke.—Fil 4:6, 7

• Wolootu hasiisannonkere assite kaaꞌlitannonke gede woy sheshifachishshannonke gede asse kaaꞌlannonke.—1Yo 3:17, 18

• Huuccatto assineemmonsa manna kaaꞌle huuccattonkera dawaro qolannonke.—Soq 12:5, 11

YIHOWA ‘HUUCCATTO MACCIISHSHANNOHO’ YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:

• Dhiwanni waadannonke daafira hasiꞌnoommo geeshshire assa dandiineemmokkiha ikkiro, roduu Shimizu woꞌnaalshi jawaachishannonkehu hiittoonniiti?

• Roduu Shimizu lawishsha harunsa dandiineemmohu hiittoonniiti?