Marichcho Assa Hasiisannohe?
50 Biiffino gannate giddo heshshote heeshsho heeꞌra hasiꞌratto?
Hasiꞌrattoha ikkiro maganu mayyinoro afate rosakki haꞌrunsi. Qullaawa maxaafa nabbawa rosate woꞌnaali.—Yohaannisi 17:3; Ajuuja 1:3
51 Iyyesuusire konninni roorsite afate rosi.—Marrote 18:18, 19; Yohaannisi 3:16; Looso 3:19-23
52 Danchare calla assatenna Yihowara hajajamate woꞌnaalli.—Roome 6:17, 18, 22
53 Yihowa manna shitinoonte yiinota qaagi.—Wolaphphote 20:13; 1 Yohaannisi 3:11, 12
54 Manni uduunnichcho ikkinore adha dihasiisanonke.—Wolaphphote 20:15; Efesooni 4:28
55 Mittu manchi seeru aresi ikkitinokkite ledo heeꞌranna goxa dihasiisannosi.—Wolaphphote 20:14, 17; 1 Tesolonqe 4:3
56 Maganu mittu manchira meꞌꞌe aree fajjinoro qaagatto? Aresi ledono mageeshshi geeshsha heeꞌra noosi?—Kalaqote 2:22, 24; Maatiwoosi 19:5, 6; 1 Qorontoosi 7:2, 10, 11
57 Ledeno Yihowa calla magansiꞌra hasiisannonkeeta qaagi.—Maatiwoosi 4:10; 1 Qorontoosi 8:6
58 Kaphphu magannanna misilla kaaꞌlitankera didandiitanno. Mayiraat?—1 Qorontoosi 8:4
Angate loonsoonni maganna mini giddo wodha danchateni?—Marrote 27:15; 1 Yohaannisi 5:21
59 Diigga amadanna kiilsiisiꞌra busha ikkitinohu mayiraati?—Marrote 18:10-13; Ajuuja 21:8
60 Bushuulle sokkaano woy agaaninte maganoho hajajama gibbu. Manna soꞌrisiisate kiilaanotenni horoonsidhanno.—Looso 16:16
61 Maganuyiwa hinge huucciꞌra hasiissannonke. Huuccattote yaa maganoho coyiꞌrate, soqqamammohera hasiꞌneemmo yine kulatenna kaaꞌlaanke gede xaꞌmirate yaate.—Filiphisiyusi 4:6, 7
62 Iyyesuusira hajajamanna ammana hasiissanno.—Ibraawuyaani 5:9; Yohaannisi 3:16
63 Ninke gatisara yee reyinota qaagi.—Roome 5:8
64 Iyyesuusi illete leellaakki nugusanke ikkinota qaagi. Isira hajajama hasiissannonke.—Filiphisiyusi 2:9-11; Ajuuja 19:16
65 Iyyesuusi rosattoha danchare baala woleho kula hasiisannotanna maganoho soqqamate hasidhaari baalu xammaqama (cuuama) hasiisannonsa gede coyiꞌrino.—Maatiwoosi 28:19, 20; Yohaannisi 4:7-15
66 Konni daafira jaallakkira tenne danchumma baala kulattonsara dandaatto.—Maatiwoosi 10:32
67 Seekkite nabbawa dandiittoro, wolere afatenna manna woyyino daninni kaaꞌlatora dandaatto.—2 Ximootewoosi 2:15
68 Iyyesuusi shiimmaadda oosono maganoho hajajamme yee rosiisino. Insanno coyishiishate yanna dinoe yee diegennino.—Maatiwoosi 19:13-15
69 Annuwanna amuuwu oosonsa maganoho hajajantannonna baxxanno gede woꞌma woyite rosiisa hasiisannonsa.—Marrote 6:6, 7; Lawishsha 6:20-22; Efesooni 6:4
70 Duuchcha babbaxitino beetekiristiyaane no. Rooriidi rosinsa qullaawu maxaafi giddo nookkireeti. Yihowa halaale rosiissannokki hayimaanootta giddonni fulleemmo gede kulinonke.—Ajuuja 18:4; Yohaannisi 4:23, 24
71 Yihowara uullate iimaanni isire roorsite rosatto gede kaaꞌlitahera dandiitanno mannooti noosi. Ayiootiro egennootto?—Looso 15:14; Roome 10:14, 15
72 Yihowa misikirootaati. Mereeronsa keeraanchimma no korkaata afootto? Mimmitonsa baxxanno daafiraati.—Isaayaasi 43:10-12; Yohaannisi 13:34, 35
73 Yihowa baxxanno daafira xammaqantanno. Busha heeshshonsa agurtaranna heeshshonsa maganoho soqqamate horoonsidhara hasidhanno gede mannu albaanni leellishshannohu tenne doogonniiti.—Looso 2:41
74 Yihowu misikkirooti haaro gannate biiffinote giddo heedhara hexxo assitanno.—Faarso 37:9-11, 29
Atino hakko insa ledo heeꞌrate marichcho assa dandaatto?—Yaiqoobi 1:22, 25; 2:20-26
75 Ledonsa Yihowara soqqamatto gara rosi. Yihowanna Iyyesuusi Kiristoosi baxxanno. Hajajantanno. Atino baxattonsa? Wolu manni maganunnire affanno gede kaaꞌlattonsara hasiꞌratto?—Yohaannisi 6:45-47
76 Yihowanna Iyyesuusi Kiristoosi baxxannohe. Gannatete giddo hegere heeshsho heeꞌratto gede hasidhanno.—Yohaannisi 3:16
Tenne metsiheete aana noo misillanninna hedonni afiiꞌrootto rosi uullate iima hegere heeshsho hagiirrunni heeꞌratto halcho gashshitinohe gede buuxamino coyeeti. Konne coye roorsite hasiꞌrattoro ollikkira heeꞌrannoha mitto Yihowa misikkire ikkinoha coyishiishittoro danchaho. Woy tenne metsiheete layinki qoolira noo teessora borreessatonkera woy wolu manni borreessannohe gede assattora dandaatto.