Maganu Diinna Ayeooti?

Qaru Maganu diini Sheexaane Daawuloosiiti. Daawuloosi Yihowa aana finqilinoho ayyaanu kalaqamaati. Maganu ledo gaaramanna mannu ooso aana buutote qarra naqa diagurino. Sheexaanu bushaho. Kaphaanchohonna lubbo shiinoho.—Yohaannisi 8:44.

Ayyaanunni kalaqantinori wolootuno Sheexaanu ledo halante Maganu aana finqiltino. Qullaawu Maxaafi kuri durriissate woy agaanintete yaanno. Sheexaanu mannu ooso diina ikkinte gede insano mannu ooso diinnaati. Manna gawajja hagiirsiissannonsa. (Maatewoosi 9:32, 33; 12:22) Yihowa Sheexaanenna durriissasi hegerera hunannonsa. Gattinonsate harancho yanna giddo mannu aana qarra iillishshanni no.—Ajuuja 12:12.

Maganu jaala ikka hasiꞌrittoro, Sheexaanu baxannore assitooti. Sheexaanunna durriissa Yihowa gibbanno. Insa Maganu diinnaati, atino Maganu diina ikkattora hasidhanno. Sheexaanunna Yihowa giddo hiikkonne hagiirsiisa hasiꞌrattoro doodhi. Hegere heeshsho hasiꞌrittoro, Maganu fajjo assa doodha hasiissannohe. Sheexaanu manna soꞌrisiisate batinye doogonna ogimma noosi. Batinyu mannino isinni dogamino.—Ajuuja 12:9.