Albillitte heeshsho hiittoota ikkitannoha lawannohe?

QULLAAWU MAXAAFI TOGO YAANNO

“Maganu . . . hindiiddo baalanta illensa aaninni feyanno, reyono layinkita diheedhanno, wiꞌla woy raare woy xisso higgeno diheedhanno. Konni albaanni noo coyibba saꞌino.”—Ajuuja 21:3, 4, Haaro Alame Tiro.

TINI HEXXO WOꞌMITANNO WOTE MAYI ATOOTE AFIꞌRATTO?

Horoomannohanna hagiirsiisanno looso afiꞌratto.—Isayyaasi 65:21-23.

Baalunku xiwaninna shetto horonta heedhannokki yanna dagganno. —Isayyaasi 25:8; 33:24.

Minikki manninna jaallakki ledo hagiidhitanni gawalo nookki heeshsho heeꞌratto.—Faarso 37:11, 29.

QULLAAWU MAXAAFI YAANNORE AMMANNEEMMO GEDE ASSANNONKERI NO?

Ee, ajayi ajeenna lamu coyi no:

• Maganoho coyiꞌrinore assate wolqa noosi. Yihowara taalle nookki wolqa noosi daafira, Qullaawu Maxaafi iso calla “Duuchanka Dandaannoho” yaanno. (Ajuuja 15:3) Konni daafira, tenne alame soorre woyyaabbino alame abbannota hoolannosiri dino. Qullaawu Maxaafi yaannonte gede, “Maganoho duuchunkuri dandaamanno.” —Maatewoosi 19:26.

• Maganoho yiinore assate hasatto noosi. Lawishshaho, Yihowa reyino manna kayisate quqquxamanno.—Iyyoobi 14:14, 15.

  Qoleno Qullaawu Maxaafi, Maganu Beetti Yesuusi xiwantinore hursinota kulanno. Isi tenne assinohu mayiraati? Hursa baxino daafiraati. (Marqoosi 1:40, 41) Yesuusi Annisinte gede, qarrantinore kaaꞌla hasiꞌranno.—Yohaannisi 5:19.

  Konni daafira Yihowano Yesuusino albillitte hagiirru noo heeshsho heeꞌnammora hasidhannota dihuluullammeemmo!—Faarso 72:12-14; 145:16; 2 Pheexiroosi 3:9.