Gafa 5 Bitima

Israeele Duumo Baara tayisse saꞌuhunni lamu agani gedensaanni, Siina yinanni ilaala iillitu. Hakkiicho Yihowa Israeele Isira baxxitino daga ikkitannota kule gondooro ei. Isi insa agarinonsa, hattono hasiisannonsare baala uyinonsa; lawishshaho, menna yinanni sagale, gooffannokki uddanonna dancha baatto uyinonsa. Ooso iloottoha ikkiro, qaaqqikki Yihowa Israeelete Seera, qullaawa dunkaananna kakkalaasine uyinonsahu mayiraatiro huwatanno gede kaaꞌlisi. Eꞌnoommo qaale wonsha, umonke heeshshi assanna woꞌmanka woyite Yihowara ammanama hasiissannohu mayiraatiro xawisi.