XIINXALLO 1

Dancha Hasaawu Bitima

Soqqamaasinete Looso 17:22

ASSA HASIISSANNOHERE: Horoonsiꞌratto bitimi afate quqquxammanni gede assannoha, coyi umo xawisannohanna macciishshaano hajo insa heeshsho ledo mayi xaadooshshe afidhinoro huwattanno gede assannoha ikka hasiissannosi.

KONNE ASSA DANDAATTO GARA:

Afate quqquxantanno gede assi. Macciishshaano baxissanno xaꞌmo, yaatto, woꞌnaalsha (xagge) woy odoo doori.

Balaxxe, macciishshaano afa hasidhannorenna yaachishannonsare seekkite hedi; hakkiinni tenne ledo sumuu yaanno bitima horoonsiꞌri.
Coyi umo (guulcho) badde kuli. Horoonsiꞌratto bitimi coyi uminna rosu mixo macciishshaanote xabbe leeltanno gede assannoha ikko.
Rosu kaaꞌlannoha ikkinohu mayiraatiro xawisi. Hasaawa macciishshaanote heeshsho ledo sumuu yaanno garinni shiqishi. Hakku rosi heeshshonsara kaaꞌlannonsahu hiittoonniitiro seekkite huwattanno gede assi.

Lallawo qixxaawatto woyite, ateneeto togo yite xaꞌmi: ‘Songonke giddo noo roduuwira hiittoo fonqoli iillanni noonsa?’ Hakkiinni, insa heeshsho ledo sumuu yaanno bitima horoonsiꞌri.