Yihowa Hagiirsiisanno Boohaarsha Doodhi

Yihowa “hagiirraamo Maganooti.” (1 Ximootewoosi 1:11, NW) Isi ninkeno hagiirraamma ikkinammoranna dancha heeshsho heeꞌnammora hasiꞌranno. Qoleno loonseemmo loosinni fooliishshiꞌnammoranna boohaarrammora hasiꞌranno. Konni rosira, boohaarreemmo yanna ninkeno Yihowano hagiirsiissannota ikkitanno gede assiꞌra dandiineemmo gara ronseemmo.

1. Boohaarsha doodhineemmo woyite maa heda hasiissannonke?

Ati boohaaratto woyite maa assa baxatto? Mitootu mine ofolte maxaafa nabbawa, muuziiqa macciishsha, filme laꞌꞌa, woy interneete daaꞌꞌata baxxanno. Wolootu kayinni jaallansa ledo kaase gaꞌna, waa daaha, woy geeme godoꞌla baxxanno. Doodhineemmo boohaarshi ikkihano ikkiro, ‘Mooticha hagiirsiisannoha’ ikkasi buuxiꞌra hasiissannonke. (Efesooni Sokka 5:10) Mayira yiniro, xaa yannara noohu batinyu boohaarshi Yihowa giwannore lawishshaho finqille, foorre, woy Sheexaanu looso leellishannoho. (Faarso 11:5 nabbawi.) Ikkina boohaarsha hayyotenni doodhineemmo gede kaaꞌlannonkeri maati?

Yihowa baxanno manna jaalanke assiꞌneemmoha ikkiro, dancha boohaarsha doodhineemmo gede kaaꞌlankera dandaanno. Roso 48te ronsummonte gede, “egennaamu ledo hosannohu egennaamo ikkanno.” Ganyine Maganu seera baxannokki manniwa aanneemmoha ikkiro kayinni, ‘qarru aana umbeemmo.’—Lawishsha 13:20.

2. Quwa saꞌne boohaarreemmokki gede ninkeneeto eemadha hasiissannonkehu mayiraati?

Doodhinoommo boohaarshi dancha ikkiro nafa, boohaarranni quwa saꞌne keeshshineemmokki gede qoropha hasiissannonke. Hakkuyi kaꞌa, roore hasiisanno coyira yanna diheedhannonke. Qullaawu Maxaafi, ‘afiꞌnoommo yanna baalate giddo dancha looso loonseemmo’ gede woy yannanke danchu garinni horoonsiꞌneemmo gede amaalannonke.—Efesooni Sokka 5:15, 16 nabbawi.

LEDDE XIINXALLI

Boohaarsha lainohunni gara ikkinore doodha dandaattohu hiittoonniitiro rosi.

3. Busha boohaarsha qorophi

Boohaarsha qorophine doodha hasiissannonkehu mayiraati? VIIDIYO laꞌe; hakkiinni aante noo xaꞌmuwa hasaabbe.

VIIDIYO: Hiittoo Boohaarsha Doodha Hasiissannoe? (4:39)

• Yannankera noohu mitu boohaarshi, hunda Roomaho godoꞌlinanni godoꞌle ledo mitto garaati yineemmohu mayiraati?

• Viidiyote giddo, Daani boohaarshu daafira maa rosino?

Roomu Sokka 12:9 nabbabbe; hakkiinni tenne xaꞌmo hasaabbe:

• Kuni qummeeshshi kulanno garinni, hiittoo boohaarsha doodha hasiissannohe?

Yihowa giwanno coyi giddo mitu hiikkoyeti? Lawishsha 6:16, 17 nna Galatiyu Sokka 5:19-21 nabbabbe. Mitto mittonka qummeeshsha nabbabbinihu gedensaanni, tenne xaꞌmo hasaabbe:

• Konni qummeeshshira kulloonni coyibba giddo, xaa yannara duuchu boohaarshi giddo leellannori hiikkuriiti?

Dancha boohaarsha doodha dandaatto gara

Ateneeto togo yite xaꞌmi:

• Maa? Kuni boohaarshi Yihowa giwanno coye leellishanno?

• Mamoote? Kuni boohaarshi roore hasiisanno coyira yanna hoogeemmo gede assannoe?

• Ayi ledo? Kuni boohaarshi Yihowa baxannokki manni ledo jaalooꞌmeemmo gede woy ganye insawa aaneemmo gede assannoe?

Dandaami deerrinni, qarru giddo tuganno coyiwiinni xeertiꞌra hasiissanno. Gawajjankera dandaanno yine huluullammeemmo boohaarsha baalanka qoropha hasiissannonkehu iseraati

4. Yannakki hayyotenni horoonsiꞌri

VIIDIYO: Yannakki Gudannori Maati? (2:45)

• Viidiyote giddo laꞌnummo rodii bushare lainokkiha ikkirono, yannasi garunni horoonsiꞌrannokki gede assinosiri maati?

Filiphisiyusi Sokka 1:10 nabbabbe; hakkiinni tenne xaꞌmo hasaabbe:

• Kuni qummeeshshi boohaarranni mageeshshi yanna sayinseemmoro doodhineemmo gede kaaꞌlannonkehu hiittoonniiti?

5. Dancha boohaarsha doodhi

Mitu boohaarshi Yihowa dadillisannoha ikkirono, isi giwannokkihu batinyu boohaarshi no. Rosiisaancho 8:15 nna Filiphisiyusi Sokka 4:8 nabbabbe; hakkiinni tenne xaꞌmo hasaabbe:

• Ati baxatto boohaarshi maati?

XAPHISHSHA

Yihowa dancha boohaarsha doodhine hagiidhinammora hasiꞌranno.

Kageeshsha Rosoottore

• Kiristaanu hiittoo boohaarshiwiinni xeertiꞌra hasiissannonsa?

• Quwa saꞌne boohaarreemmokki gede qoropha hasiissannonkehu mayiraati?

• Yihowa hagiirsiisanno boohaarsha doodha hasiꞌrattohu mayiraati?

EGENNO LEXXI

Boohaarreemmo boohaarsha doorannonkehu ayeti?

“Yihowa Farciꞌraasine Mite Filmuwa, Maxaaffa, Woy Sirba Hooltannoni?” (Webisayitenkera fultino borro)

Boohaarsha hayyotenni doodha dandaatto gara rosi.

“Doodhitinanni Boohaarshi Kaaꞌlannoho?” (Agarooshshu Shae, Birra 15, 2011)

“Xa Manna Mulla Kae Giwa Aguroommo” yitanno xagge giddo, mittu manchi albi boohaarshasi agurinohu mayiraatiro nabbawi.

“Qullaawu Maxaafi Heeshsho Biddi Assanno” (Agarooshshu Shae, Ammajje 1, 2010)

Mitte ama Sheexaanu looso leellishanno boohaarsha gibbannota leellishshinohu hiittoonniiti?

Sheexaanu Looso Leellishanno Boohaarsha Gibbe (2:02)