Hayyotenni Coyiꞌra

Xintu seera: “Coyiꞌne woꞌmanka woyite coomminohanna gumu nooha ikko.”—Qol. 4:6.

Phaawuloosi Assinore

Soqqamaasinchu Phaawuloosi Ateenu manna ammansiisanno garinni hasaawisanni no.

VIIDIYO: Phaawuloosi Ateenu Mannira Farciꞌri

1. VIIDIYO laꞌe; woy Soqqamaasinete Looso 17:22, 23 nabbabbe. Hakkiinni, aante noo xaꞌmuwa hiince:

Phaawuloosi Ateenaho batidhinota kaphu maganna lai woyite hiitto ikkino?—Soqqamaasinete Looso 17:16 lai.
Phaawuloosi insa busha assa agure, ammaꞌnonsa kaxxe dancha duduwo hayyotenni kulinonsahu hiittoonniiti?

Phaawuloosi Assinorinni Maa Ronseemmo?

2. Maa coyiꞌneemmoro, ma garinni coyiꞌneemmoronna mamoote coyiꞌneemmoro hende coyiꞌneemmoha ikkiro, mannu yineemmore roore macciishshanno.

Phaawuloosi Faale Hadhe

3. Maccate coommannore coyidhe. Lawishshaho, Kiristaanu ammaꞌno wido ikkinokki mancho hasaawissinanni woyite, Qullaawa Maxaafa egensiissinanni gara woy Yesuusire coyidhinanni gara biddi assiꞌra hasiissannoꞌneha ikkara dandaanno.

4. Soꞌrosi kulate muddantinoonte. Hedosi ruxxi yiikkinni coyiꞌranno gede asse. Qullaawu Maxaafi rosi ledo sumuu yaannokkire coyiꞌriro, heewisantinoonte. (Yai. 1:19) Coyiꞌranno woyite macciishshaꞌne, hedosi huwattinanni gede kaaꞌlitannoꞌne.—Law. 20:5.

5. Hasiisanno woyite, manchu coyiꞌrinore maahoyye yitine adhe hattono galattesi. Ammaꞌnosi rosiissanno roso halaaleho yee woꞌma giddosinni ammanannoha ikkara dandaanno. Balaxxine sumuu yitinanni hajo daafira hasaabbe; hakkiinni sunu sununni, Qullaawu Maxaafi rosiisannore huwatanno gede kaaꞌlesi.

KURINO LAI

Law. 25:15; 2 Xim. 2:23-26; 1 Phe. 3:15