Hasaawa Jammarate Kaaꞌlanno Lawishsha
Aganunnite Umi Qidaamera Qullaawu Maxaafi Xiinxallo Jammarsiisa
“Baalunku manni alamete aana salaame woꞌmitara hasiꞌranno. Ikkirono olu dibaino. Ate hedora, alamete aana salaame togo haaqete hagiirre ikkitinohu mayiraati?” Dawaro qola geeshsha agari. Agarooshshu Shaera badhiidi qoolira noo birxicho leellishittosihu gedensaanni, umi xaꞌmo hunda noo assaawe mitteenni hasaabbe; qoleno ajayi ajeenna mitte xiqise nabbawisi. Metseetta uyitesi kaꞌe, aante noo xaꞌmo hasaawate qaxaro amadi.
Qaagiishsha: Hasaawa jammarate kaaꞌlannohu kuni lawishshi Ella 1nni simirriitete gambooshshira loonse leellinshanni ikkitonni shiqanno gede assa hasiissanno.
Agarooshshu Shae Ella 1
“Dagoomu giddo lowo qarra ikkinoha mitto coye hasaambanni haꞌnanni heeꞌnoommo. Roore manna, mannu mulla kae giwinonsa yanna no. Mannu manna mulla kae giwannokki bayichi alamete aana nooha lawannohe? [Dawaro qola geeshsha agari.] Hanni Maganu manna baalanka ma illenni laꞌꞌannoro lai. [Hawaariyaatete Looso 10:34 nabbawi.] Tini metseete Maganu manna mulla kae giwa horo gattanno gede assannohu hiittoonniitiro kultanno.”
Baqqi Yiiyye! Ella
“Hanni mitto coye xaꞌmineemmohe. Woyyaabbino heeshsho heeꞌra hasiꞌra nooreeti. Lowo uduunne hidha woyyaabbino heeshsho heeꞌrate kaaꞌlitannoha lawannohe? [Dawaro qola geeshsha agari.] Hanni Yesuusi coyiꞌrinota lowo geeshsha kaaꞌlitanno assaawe lai. [Luqaasi 12:15 nabbawi.] Tini metseete maalu coyira quwa saꞌneemmokki gedenna woxenke garunni horoonsiꞌneemmo gede kaaꞌlitanno assaawe amaddino.”