Baxxino Koyishsha
1. 2014nnihu awuraajju gambooshshira manna koyisate zamacha jammarreemmohu mamooteeti?
1 Lowo geeshsha daafurtinenna lowo woxe fushshitine jaallaꞌnera woy ayiddiꞌnera jila qixxeessitiniro, hakko jilira woshshitinanninsa wote lowonta faasiiqqine hagiirrunni koyissinanninsati dihuluullissannote. Hatteente gede, 2014nnihu awuraajjunna daga dagiyyote gambooshshira shiqannoha ayyaanaamittete jila qixxeessate lowo loosi loosamino. Gambooshshu jammarara sase lamala gattanno wote, manna koyisa jammarreemmo. Manna iibbado simmeetenni koyinseemmo gede kaaꞌlannonkeri maati?
2. Zamachu yannara woꞌma wolqankenni soqqammeemmo gede assannonkeri maati?
2 Yihowa awuraajju gambooshshira qixxeessannonkehu ayyaanaamittete jili mitti mittinkera mageeshshi xiqime aannonkero seekkine assaambeemmoha ikkiro, zamachu yannara woꞌma wolqankenni soqqamate kaꞌneemmo. (Isa. 65:13, 14) Qoleno, diru dirunku heeꞌrannonkehu kuni zamachi guma laalannota qaaga hasiissannonke. Koyinseemmo manni giddo, gambooshshe daannohu no. Ikkollana, daanno manni baxi geeshshihano ikkiro, zamachu yannara diinaggaambe soqqamanke Yihowara guweenya abbitanno hattono shaqqillesi leellishshanno.—Far. 145:3, 7; Aju. 22:17.
3. Koyishshu woraqata mannaho tuqinseemmohu hiittoonniiti?
3 Cimeeyyete bisi songo koyishshu woraqata halaꞌladunni tuqisa dandiitanno gara biddi assanno; qoleno, koyishshu woraqata mannu mine nookki qaera wore haꞌra hasiissannoronna teꞌee, woy gudumaalu soqqanshora horoonsiꞌra dandiinannironna teꞌee wossanara dandaanno. Qidaamenna Sambata koyishshu woraqati ledo metseetta ela dandiinanni. Aganunniti umi Qidaame zamachu saammintuwa giddo dagguro, roore illachinsheemmohu Qullaawu Maxaafi xiinxallo jammarsiisate aana ikkikkinni koyishshu woraqata tuqisate aanaati. Zamachu goofanno yannara, diinaggaambe soqqammoommotanna Yihowa qixxeessinohu ayyaanaamittete jilira dandaaminke deerrinni lowo manna koyinsoommota hendeemmo wote lowo geeshsha hagiidhineemmo!