1914 Daafira Noonke Ammana Xawisa

Qullaawu Maxaafi ammananke daafira ‘xaꞌmannonke mannira baalaho shaqqillunninna ayirrinyunni dawaro qolate qixxaamboommore ikkineemmo’ gede amaalannonke. (1 Phe. 3:15) Ikkollana, hawa gede huwantannikkiha Qullaawu Maxaafi halaale xawisa, lawishshaho Maganu Mangiste 1914nni gashsha jammartino yine ammanneemmohu mayiraatiro kula kabbaade ikkitankera dandiitanno. Tennera ninke kaaꞌlate lame gafa afiꞌrinohu, “Qullaawu Maxaafi Hasaawa—Maganu Mangiste Gashsha Jammartinohu Mamooteeti?” yaanno birxichi qixxaawino. Tini birxichuwa Birratenna Bocaasu aganira elleemmote Agarooshshu Shaera fultanno. Tenne birxichuwa nabbabbinanni wote, Daawiti yinanni halashshaanchi qaete anna hasaawisino gara lainohunni aante noo naxibba wodanche.

Daawiti . . .

• qaete anni ledo gutu hedo heedhannosi gede iso galatinohu hiittoonniiti?—Looso 17:22.

• ammanasi xawisi yannara shooshanqe leellishinohu hiittoonniiti?—Looso 14:15.

Aante noo coyibba assasi dancha ikkitinohu mayiraati?

• Wole naxibba coyiꞌrara albaanni hasaabbinore xaphi asse kule saꞌꞌasi

• Mereeroho taxxi yee kulanni noore qaete anni huwatinotanna teꞌee afate xaꞌmasi

• Mitte hige lowo coye kula hoogasi—Yoh. 16:12.

Hawa gede huwantannikkiha Qullaawu Maxaafi halaale, afate goorino mannira xawinse kula dandiineemmo gede rosiisannonkeha “Bayira Rosiisaanchonke” Yihowa lowo geeshsha galanteemmosi!—Isa. 30:20.