Xiinxallote Kaaꞌlannonkeha Haaro Uduunnicho

Alame woꞌmate nooti haammata miliyoone ikkitanno halashshaano konni albaanni Qullaawa Maxaafa xiinxallate Indekse (Ingilizete Afoo) horoonsidhanni keeshshitino. Ikkollana kuni maxaafi lowo taje amadinoha ikkino daafira boodu afiinni calla qixxeessinoonniho. Yihowa Farciꞌraasine Borro Xiinxallate Kaaꞌlitanno Biroshere yinanni biroshere kayinni 170 afiinni qixxeessinoonni. Tini biroshere xiinxallate kaaꞌlitannohu 2000 kawa fultino borro giddo nooreeti. Tini biroshere konni albaanni Indekse qixxeessinoonni afiinni diqixxaabbino; hakko afiita Wochitawori Layibirerii nna Interneetete Layibirerera worroonni. Tini Xiinxallote Kaaꞌlitanno Biroshere Qullaawu Maxaafi xaꞌmokkiranna huluullissannohe coyira dawaro afiꞌratto gede, hattono gambooshshehonna Maatete Magansiꞌrara qixxaawate kaaꞌlitannohe.