Soqqanshonke Isilanchimma Woyyeessiꞌra—Qullaawu Maxaafi Rosaano Dancha Xiinxallote Gade Heedhannonsa Gede Qajeelsa
Hasiissannohu Mayiraati? Qullaawu Maxaafi rosaano ayyaanaamittetenni gikki yaate, Qullaawu Maxaafihu xintu rosinni saino roso rosa hasiissannonsa. (Ibi. 5:12–6:1) Xiinxallate sharrama hasiissanno. Xiinxallate yaa haaru rosi bashsho ronsoonni rosi ledo mayi xaado afiꞌrinoronna konne roso loosunni leellisha afidhino horono buuxate. (Law. 2:1-6) Rosaano gillete xiinxallo assiꞌra rosansa, borruwanke horoonsidhe Qullaawu Maxaafi xaꞌmora dawaro qoltanno gede kaaꞌlitannonsa. Qoleno rossinore loosunni leellishate sharramansa, Kiristaana ikkansanni iillannonsa fonqolo dandiite saꞌanno gede kaaꞌlitannonsa.—Luq. 6:47, 48.
Konni Aganira Togo Assate Woꞌnaalle:
Mittu cinaanchu birxichi woy fooliishshote jeefora, rosaanchu rosinore haranse xaphi asse kulanno gede xaꞌme. Qullaawu Maxaafi rosaanchi nooꞌnekkiha ikkiro, nabbabbinoonni coye wodanchate dandooꞌne woyyeessiꞌrate, Qullaawu Maxaafi niwaaweꞌneta woy Agarooshshu Shaeta mitte gufo hedo haransitine xawisa rosiisidhe.