Maganittete Rosi Manna Mulla Gimbannita Hoolanno

Yihowa dimallaadanno. (Soq 10:34, 35) ‘Gosa baalanti, gaꞌre baalanti, fiixu fiixunkunna addi addi afoo coyiꞌranno manni’ baalunku isi albaanni taaloho. (Aj 7:9) Konni daafira, Kiristaanu songo giddo manna mallaada woy koꞌonne kuꞌuyiwiinni roorsa horonta dihasiissanno. (Ya 2:1-4) Maganittete roso ronse ayyaanaamittete gannate giddo heeꞌnoommo daafira, mannu akati soorramanna laꞌꞌa dandiinoommo. (Is 11:6-9) Mallaadate akati hilihu nafa giddonke gatannokki gede sharrammeemmoha ikkiro, Maganu faale haꞌneemmore ikkanke leellinsheemmo.—Ef 5:1, 2.

JOONIINNA GIDIYONI: ALBA BAARIGAARRATE, XA KAYINNI RODUUWAHO YITANNO VIIDIYO LAꞌE. HAKKIINNI, AANTE NOO XAꞌMUWA QOLATE WOꞌNAALLE:

• Babbadooshshenna manna mulla gimbannita hoolate mannu sharramanno sharronni maganittete rosi roorannohu hiittoonniiti?

• Alamete doyichoha roduuwu maamaranke heddinanni wote dhagge ikkannoꞌnehu maati?

• Mittimmanke baꞌannokki gede agaranke Yihowa ayirranno gede assitannohu hiittoonniiti?