Ayyaanaamittetenni Shoshshoggitinore Jawaachisha Dandiitinanni

Maakisanyo, Dotteessa 11, 2017, batinyu ayyaanaamittetenni shoshshoggino Kiristaani Qaagooshshu Ayyaana ayirrisate daanno. Insa heeshsho afiꞌrate qolchama hanaffe kaꞌe, addi addi korkaatinni duumbara higgino; kuri korkaatuwa giddo mite Yihowawa Higi yitanno birosherera qummi assinoonni. (Ib 12:1) Ikkollana ayyaanaamittetenni shoshshoggino Kiristaani Yihowara muxxete; insa Isi Beettisi Kiristoosi mundeenni woxxinoreeti. (1Yo 1:7; 1Ph 1:18, 19) Insa songonniwa higganno gede kaaꞌla dandiineemmohu hiittoonniiti?

Songote cimeeyye hoshshatewiinni baxxite baꞌino geꞌrecho hexxo mudhikkinni hasiꞌranno allaalaanchi gede, ayyaanaamittetenni shoshshoggino Kiristaana hasse kaaꞌlitannonsa. (Lu 15:4-7) Tini Yihowa baxannonsata leellishshannote. (Er 23:3, 4) Songote cimeeyye calla ikkikkinni, ninke baalinke ayyaanaamittetenni shoshshoggitinore jawaachisha dandiineemmo. Insara shaqqille leellinsheemmohanna qarransa duqqineemmoha ikkiro, Yihowa hagiidhanno, qoleno togo assanke kiissannonke. (La 19:17; Soq 20:35) Konni daaafira, aye jawaachisha dandaattoro hedde techo gaꞌa yiittokki hatto assi!

AYYAANAAMITTETENNI SHOSHSHOGGITINORE JAWAACHISHSHE YITANNO VIIDIYO LAꞌINI GEDENSAANNI AANTE NOO XAꞌMUWA HASAABBE:

• Abii egentinokki rodoonni xaadduti maa assitino?

• Ayyaanaamittetenni shoshshoggitinore kaaꞌlate hendeemmo wote, songote cimeeyye amaaꞌla hasiissannonkehu mayiraati?

• Abii, Loora layinkimeeshsho marte xaꞌmitara albaanni qixxaabbinohu hiittoonniiti?

• Abii Loora jawaachishshu yannara, cincanna baxille leellishshinohu hiittoonniiti?

• Yesuusi Luqaasi 15:8-10 coyiꞌrino lawishshinni maa ronseemmo?

• Loora kaaꞌlate assinoonniri mayi guma abbino?