Heeshshoꞌne Giddo Mitu Coyi Soorramanno Wote Ayyaanaamittetenni Baqqi Yitine Heedhe

Hakko iso tenne goofimarchu yannara, heeshshonke giddo mitu coyi soorramara dandaanno. (1Qo 7:31) Hendeno ikko hendummokki, danchano ikko bushu, heeshshonke giddo mitu coyi soorramanno wote, tini Yihowa ledo noonke jaalooma seekkitara woy huntara dandiitanno. Heeshshonke giddo mitu coyi soorramanno wote, ayyaanaamittetenni baqqi yine heeꞌneemmo gede mayi kaaꞌlannonke? Heeshshonke Giddo Mitu Coyi Soorramirono Ayyaanaamittetenni Baqqi Yee Heeꞌra yitanno viidiyo laꞌini gedensaanni aante noo xaꞌmuwara dawaro qolate woꞌnaalle:

• Mittu rodii mitto anna mayyee amaalino?

• Maatewoosi 7:25 te noohu xintu seeri tenne maatera loosannohu hiittoonniiti?

• Tini maate wolewa hadhara albaanni qixxaabbinohu hiittoonniiti? Tini kaaꞌlitinonsahu ma garinniiti?

• Tini maate, songonsanna soqqanshote qoqqowo rossanno gede kaaꞌlinonsari maati?

Muli yannara heeshshoꞌya giddo soorramino coye:

Tenne viidiyora nooha xintu seera heeshshoꞌya giddo harunsa dandeemmohu hiittoonniiti?