KIRISTAANU HEESHSHORA
Rosiisate Horoonsiꞌneemmo Borronke Dancha Gede Horoonsidhe
Manna rosaano assa mine minate gedeeti. Mine dancha gede minate uduunnicho danchu garinni horoonsiꞌra hasiissannonke. Roorenkanni qara uduunnichonke ikkinoha Maganu Qaale horoonsiꞌneemmo gara seekkine afa hasiissannonke. (2Xi 2:15) Mixonke manna rosaano assa ikkitino daafira, xiinxallisate horoonsiꞌneemmota wole borronkenna viidiyubbano danchu garinni horoonsiꞌra rosa hasiissannonke.a
Rosiisate horoonsiꞌneemmo borro danchu garinni horoonsiꞌra dandiineemmohu hiittoonniiti? (1) Kaaꞌlannohe gede soqqanshote gambooshshiha aliidi laꞌꞌaancho xaꞌmi, (2) ayyaanaamittetenni gikki yiino halashshaanchi woy suwisaanchi ledo soqqami, (3) rosiisiꞌri, rosiisiꞌri, rosiisiꞌri. Kuri borruwanna viidiyubba dancha gede horoonsiꞌra rosittoro, xa loonsanni heeꞌnoonniha ayyaanaamittete looso loonse afiꞌnanni hagiirre afiꞌratto.
METSEETTA
BIROSHERUBBA
MAXAAFFA
TIRAAKTUWA
VIIDIYUBBA
KOYISHSHU WORAQATTA
JW.ORG EGENSIISSANNO KAARDE
a Xiinxallisate horoonsiꞌneemmokkiti wole borronke, wole mannano hende qixxeessinoonnite. Hasiisanno wote hatte borrono horoonsiꞌra dandiineemmo.