Baxxitino Faarsonni Maa Ronseemmo?

Baxxitino faarso giddonni baxattori hiikkuriiti? Mayira? Faarsote viidiyo giddo laꞌꞌattori barru barru heeshshokki ledo xaado afiꞌrinoreeti? Kuri baxxitino faarsohu addi addi birxichinna muuziiqu gari, baalunku mannira kaaꞌlannore afiꞌrino. Ikkollana, baxxitino faarsonna tenne faarso viidiyo boohaaratenni sainore afidhino.

Mitte mittenti baxxitino faarso Kiristaanu heeshshonna soqqanshonkera kaaꞌlanno roso amaddino. Mite faarso, wosina adhate, mittimmate, jaaloomu, worbimmate, baxillu woy ammanate daafira kultanno. Mite qolte Yihowawa higate, gatona yaate, barru barrunkunni minshe nookkire ikkine heeꞌratenna ayyaanaamittete mixo harunsate daafira kultanno. Kuri faarsuwa giddo mobayile garunni horoonsiꞌrate daafira kultanno faarso nafa no. Baxxitino faarsuwa giddonni kaaꞌlannoha wole hiikkonne roso afiꞌrootto?

YANNA GAMBISSINO YITANNOTA BAXXITINO FAARSO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLLE:

• Geedhino minaanninna minaama albillitte afiꞌrannoha hiikkonne atoote hedanni no?—Ka 12:3

• Yihowa eino qaale wonsha dandaannota albinni roore addaxxa dandiineemmohu hiittoonniiti?

• Muli yanna giddo shiiꞌnoommo manninni galagalle xaandeemmo woyite hiitto ikkineemmo?

• Maganu Mangiste hexxo xa iillannonke fonqolo dandiine saꞌneemmo gede kaaꞌlitannonkehu hiittoonniiti?—Ro 8:25