Goofimarchu Gambise Daanno Woyite Kaajjitine Uurre

HASIISSANNOHU MAYIRAATI? Muli yannara, worbuulle ikkankenna Yihowa mageeshshi geeshsha addaxxineemmoro fonqolannohu konni albaanni ikke egenninokkihu waajjishanno coyi ikkanno. Kaphu ammaꞌno baꞌanno woyite bayiru qarri hanafanno. (Mt 24:21; Aj 17:16, 17) Hattenne quuxxote yannara, kaajjado yoote sokka dudumbeemmoha ikkara dandaanno. (Aj 16:21) Qoleno hatte yannara Maagoogi Googi siannonke. (Hi 38:10-12, 14-16) Yihowa mannasi gatisate, ‘Woꞌmanka Dandaanno Maganihu batiꞌru barri oli’ hanafanno gede assanno. (Aj 16:14, 16) Hattenne yannara worbuulle ikkate, xa ammanate fonqoli iillannonke woyite kaajjine uurra hasiissannonke.

TENNE ASSA DANDIINANNI GARA:

• Worbimmatenni Yihowaha amanyootu seera ayirrissinannita leellishshe.—Is 5:20

• Ammanate roduuwiꞌne ledo Yihowa magansiꞌraꞌne agurtinoonte.—Ib 10:24, 25

• Yihowa dirijjite uyitanno biddishshira bayichonko hajajamme.—Ib 13:17

• Yihowa hundi yannara mannasi gatisinohu hiittoonniitiro hiince.—2Ph 2:9

• Yihowa huuccidhe hattono iso addaxxe.—Fa 112:7, 8

WORBUULLE IKKA HASIISSANNOTA ALBILLITTE DAGGANNO YANNA—MURRE HAAꞌNOONNITA YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLLE:

• 

  Songonsa wole songo ledo karsantino halashshaanora, hajajama qarra ikkitinonsahu hiittoonniiti?

• 

  Hajajama worbuulle ikkate kaaꞌlitannonkehu ma garinniiti?

• 

  Armagedooni daanno woyite worbimma hasiissannonkehu mayiraati?

• 

  Yihowara gatisate wolqa noosita albinni roore addaxxineemmo gede assitannonketi Qullaawu Maxaafi xagge hiittenneeti?—2Du 20:1-24