KIRISTAANU HEESHSHORA
Kapho Tareessitinannikki Gede Qorophe
Xaa yannara mitte mashalaqqe attamme, raadoonetenni, televizhiinetenni woy Interneetete widoonni lowo miliyoone ikkanno mannira bayichonko iillisha dandiinanni. “Halaalu Magano” magansidhannori kaphu mashalaqqe heddukkinni nafa tareessitannokki gede qorophitanno. (Fa 31:5; Fu 23:1) Woleho tareessinoonni kaphi lowore gawajjara dandaanno. Mittu coyi addahoronna teꞌee buuxxinanni woyite, kiꞌneneeto togo yitine xaꞌme:
‘Konne coye macciishshoommohu hawaqiꞌreemmo manchiwiinniiti?’ Mitte mashalaqqe kulinonke manchi, coye gudise buuxinokkiha ikkara dandaanno. Tareessinanni mashalaqqe sunu sununni soorrantara dandiitanno; hakko daafira mashalaqqete kaima afa hoogittoro qorophi. Roorenkanni, songote giddo qoosso noonsari hawaqiꞌnannire coyiꞌra hasiissannonsa daafira, adda ikkase buunxoonnikki mashalaqqe tareessitannokki gede qoropha hasiissannonsa
‘Tini mashalaqqe mannu suꞌma huntannote?’ Mitto mancho woy manna gaamote deerrinni mishiishshannoha ikkiro, togoo mashalaqqe tareessa dihasiissannonke.—La 18:8; Fil 4:8
‘Mashalaqqe ammannayi gedeete?’ Afate quqquxanno coyenna hasaawa macciishshitinanni woyite qorophe
HEME QOROPHA DANDEEMMOHU HIITTOONNIITI? YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLATE WOꞌNAALLE:
Lawishsha 12:18 yitanno garinni, coyiꞌneemmo coyi manna gawajjara dandaannohu hiittoonniiti?
Filiphisiyusi Sokka 2:4 wolu manni daafira hasaawa lainohunni kaaꞌlitannonkehu hiittoonniiti?
Mittu manchi woloota kisanni coyiꞌra woy insa daafira bushare coyiꞌra hanafanno woyite, ma assa hasiissannonke?
Mannu suꞌma kayinse hasaambammora albaanni, ninkeneeto mayine xaꞌma hasiissannonke?