Yannakkinna Wolqakki Horoonsidhe Kaaꞌla Dandaatto?

Isayaasi masaalinonte gede, Yihowa dirijjiteti uullaayidi kifile konni albaanni ikke egenninokki garinni lophitanna laꞌnanni heeꞌnoommo. (Is 54:2) Konni daafira, haaro Gambooshshu Addaraashe, Jajjabbu Gambooshshi Addaraashenna sinu biiro hasiissanno. Kuri minna minnihu gedensaannino, gatamara mite kayinni gedensaanni haaroonsa hasiissanno. Kuni loosi yannankenna wolqanke Yihowara aate faro fanannonkehu hiittoonniiti?

• Gambooshshu Addaraashe feyate tari ninke gaamora iillanno woyite feya dandiineemmo

• Gambooshshu Addaraashe gatamarranni gara qajeelate ninkeneeto shiqisha dandiineemmo

• Qooxeessinkera Yihowa mine minnanninna gatamarranni woyite kaaꞌla dandiineemmo gede Qooxeessunnite Akeekunna Gimbaatu Kifile Forme (DC-50) wonsha dandiineemmo

• Sinu biirora marre woy wole Yihowa dirijjite mine mitte lamala woy hakkuyi ale kaaꞌlate Uminsa Fajjonni Kaaꞌlitannori Wonshitanno Forme (A-19) wonsha dandiineemmo

WOLE HAARO MINE MINATE QIXXAAMBANNI HEEꞌNOOMMO—MURRE HAAꞌNOONNITA YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLATE WOꞌNAALLE:

• 2014nni hanafe viidiyubba horoonsiꞌneemmo gari dhagge ikkanno garinni lexxinohu hiittoonniiti?

• Hasiissannonketa lowo viidiyubba qixxeessate, maa assate qixxaambanni heeꞌnoonni? Konne looso mamoote hananfe mamoote gudate hendoonni?

• Uminsa fajjonni loossannori konne looso kaaꞌla dandiitannohu hiittoonniiti?

• Ramapo minnanni mine kaaꞌla hasiꞌnummoro, balanxe DC-50 yinanni forme wonshanna Qooxeessunnite Akeekunna Gimbaatu Kifile ledo loosa hasiissannonkehu mayiraati?

• Yihowa konne looso massaganni noota leellishannori maati?

• Konne mine marre mina kaaꞌla dandineemmokkiha ikkiro nafa, konne looso kaaꞌla dandiineemmohu hiittoonniiti?