SOQQANSHOTE DANDOOKKI WOYYEESSIꞌRI | SOQQANSHOTENNI AFIDHINANNI HAGIIRRI LEXXANNO GEDE ASSIDHE
Manna Marartinannire Ikke
Mararate yaa, mittu manchi hedo, macciishshaminosire, mittu coyira noosi lao woy hasiisannosire wodanchate dandooti. Wolootu mararreemmonsa woyite affanno; manna addinta kaaꞌla hasiꞌneemmoha ikkiro, mararreemmore ikkineemmo. Soqqammeemmo woyite manna mararreemmoha ikkiro, Yihowa baxillinna shooshanqesi xabbe leeltanno gede assineemmo; tini mannu Yihowawa shiqanno gede assitanno.—Fil 2:4.
Manna marara rosiinseemmo woyite horoonsiꞌneemmo ogimma calla diꞌꞌikkino; hatteentenni, macciishshineemmonna coyiꞌneemmo gari, laonke, bisinke millimillonna albinkera leellannori manna mararreemmota leellishanno. Mannaho godowinta hende mararreemmonsata leellinsheemmo. Qoleno hasattonsa, ammaꞌnonsanna heeshshonsa gara huwatate woꞌnaalleemmo. Heeshshonsara kaaꞌlannore kulleemmonsa; kayinni woyyaawe biddi yaanno gede dimurrinseemmo. Sabbankeemmo manni kaaꞌlinammonsara maahoyye yiiro, soqqanshonkenni afiꞌneemmo hagiirri lexxanno.
MANNA ROSAANO ASSATE LOOSINNI HAGIIDHE—DANDOOꞌNE WOYYEESSIDHE—MANNA MARARREEMMOTA LEELLISHA YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:
Jeedi xiinxallote barrisidhe dagguta Niita marartannoseta leellishshinohu hiittoonniiti?
Jeedi loosu batiꞌreennase yaaddino daafira xiinxalla dandiitannokkita kultuta Niita marartannoseta leellishshinohu hiittoonniiti?
Mannu mararreemmonsata leellinshummoro Yihowawa gamba yaanno
Jeedi ‘Ani mitto coye qucuꞌmi assiꞌra didandeemma’ yituta Niita marartannoseta leellishshinohu hiittoonniiti?