KIRISTAANU HEESHSHO
Meya Geerra Amuuwu Gede, Aja Meento Roduuwu Gede Assite Hedi
Qullaawa Borro jajjabba Kiristaana amuuwinkenna annuwinke gede, hattono aja Kiristaana roduuwinke gede assine laꞌneemmo gede kultannonke. (1 Ximootewoosi 5:1, 2 nabbawi.) Roorenkanni labballu roduuwi meya roduuwa ayirrisa hasiissannonsa.
Mittu rodii mitte meya rodoora gara ikkinokki baxille leellisha woy saalfattanno gede assannosere wolere mittoreno assa dihasiissannosi. (Iyo 31:1) Mittu seenne adhinokki rodii, mitte mine assidhinokki rodoo adhate hedo noosikkiha baxinosehu gede ikkanni ise adhaeraati yite hexxitanno gede assa dihasiissannosi.
Songote cimeeyye, meya roduuwi ayirrinyunni xaꞌmo xaꞌmanno woyite woy mitto illachisha hasiissanno coye kulanno woyite hakkoye coye seekkite heda hasiissannonsa. Songote cimeeyye roorenkanni towaatannonsa minaanni noonsakkirira heddannota leellisha hasiissannonsa.—Ru 2:8, 9.
SONGOTE GIDDO GEEDANNO BAXILLE LEELLISHSHE—GUNNOOTAHONNA BUXOHO YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:
Songo Rodoo Mayintira dhagge ikkanno baxille leellishshinohu hiittoonniiti?
Songo leellishshino baxilli qachu manni Yihowa daafira afanno gede assinohu hiittoonniiti?
Songo leellishshino baxilli Rodoo Mayinti seenne kaaꞌlinohu hiittoonniiti?
Songoꞌne giddo nooha meya roduuwa mararattota leellisha dandaattoti mite mite doogga hiikkuriiti?