Yihowa Kaaꞌlannoꞌne Gede Huuccidhe

Halaalu wixi mannu wodanira rumuxxannonna lophanno gede assannohu Yihowaati. (1Qo 3:6-9) Konni daafira, soqqanshonkenni dancha guma afiꞌrate, Yihowa ninkeno Qullaawu Maxaafi rosaanonkeno kaaꞌlannonke gede iso addaxxa hasiissannonke.

Xiinxallissinanni manni fonqolonna guficho ikkannore qeele saꞌꞌanno gede kaaꞌlansara Yihowa huucce. (Fil 1:9, 10) Huuccatto assidhinanni woyite hasidhinoonnire baddine kulle. Hedoꞌnenna assooteꞌne qullaawu ayyaani massagannoꞌne gede huuccidhe. (Lu 11:13) Qullaawu Maxaafi rosaanoꞌnera huuccidhanno gara rosiissensa; hattono huuccidhanno gede jawaachishshensa. Insa ledo mitteenni heedhine huuccidhe, hattono suꞌmansa gantine insa daafira huucce.

MANNA ROSAANO ASSATE LOOSINNI HAGIIDHE—YIHOWA QIXXAAWO HOROONSIDHE—HUUCCATTO YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:

• Niita Jeedi xiinxallissanni heedheenna qarra ikkinoseri maati?

• Umi Qorontoosi 3:6 noo hedo Niita kaaꞌlitinosehu hiittoonniiti?

• Niitara qarra ikkino coyi tidhaminohu hiittoonniiti?