Qanchu Soqqansho Gambooshshe Danchu Garinni Massagate Kaaꞌlitanno Amaale

Wolu songote gambooshshinte gede, qanchu soqqansho gambooshshino Yihowa mimmito baxillehonna danchu loosira kakkayinseemmo gede qixxeessinonke qixxaawooti. (Ib 10:24, 25) Qanchu soqqansho gambooshshe massaga hasiissannohu ontunni lamalu daqiiqi geeshshaati; gaamo qineessinannihu, soqqanshote qoqqowo uyinannihunna huuccatto assinannihuno konni daqiiqi giddooti. (Qanchu soqqansho gambooshshe wolu gambooshshinni aanchine assiꞌnanniha ikkiro, daqiiqa kawiinnino roore ajisha hasiissanno.) Gambooshshe massaganno rodii, hakko barra soqqansho fultannorira kaaꞌlitanno hedo qixxaawa hasiissannosi. Lawishshaho, Qidaamete barra gambooshshe dayino manni giddo rooru lamalate giddo soqqansho fulinokkiha ikkiro, manna mayine hasaawisa dandiinanniro hasaawa dancha ikkitara dandiitanno. Qanchu soqqansho gambooshshiwa wole hiittee hajo kayinse hasaawa dandiinanni?

• Kiristaanu Heeshshonna Soqqanshote Xiinxallote Maxaafichora fulinoha lawishsha ikkanno hasaawa

• Baadire kayinse woy odoote kullanna macciishshinoommore horoonsiꞌne hasaawa hanafa dandiineemmo gara

• Mannu macciishsha giwe coyiꞌrannohu rosamino coyira dawaro qola dandiinanni gara

• Maganu dino yee ammananno mancho, suutu soorro ammananno mancho, wole qaale coyiꞌranno mancho, woy qooxeessiꞌnera rosantinokki ammaꞌno harunsanno mancho hasaawisa dandiinanni gara

• JW.ORG aana noo gafa, JW Layibirere woy Qullaawa Maxaafa horoonsiꞌra dandiinanni gara

• Rosiisate Horoonsiꞌneemmo Borro giddonni mitte horoonsiꞌra dandiinanni gara

• Silketenni farciꞌra, sokka borreessine farciꞌra, gudumaaleho sabbaka, manna galagalle marre hasaawisa, Qullaawa Maxaafa xiinxallisa, woy wole doogonni soqqama dandiinanni gara

• Gawajjannore qoropha dandiinanni gara, hasaawa soorra dandiinanni gara, dancha amanyoote leellisha dandiinanni gara, soqqanshote dancha lao noonketa leellisha dandiineemmo gara, woy wole togoo coye qaagiissa

• Nabbawatenna Rosiisate Dandiittore Baala Assi yitanno birosherera noo naxiwe woy viidiyo

• Soqqanshote miila jawaachishanna kaaꞌla dandiinanni gara

• Soqqanshote ledo xaadooshshe afiꞌrino qummeeshsha woy jawaachishannoha soqqanshote woꞌnaalsha