Meya Roduuwi Soqqanshonsa Halashshiꞌra Dandaannohu Hiittoonniiti?

Meya roduuwi Maganu Mangiste loosira lowore kaaꞌlanno. (Fa 68:11) Insa batinye manna Qullaawa Maxaafa xiinxallisanno. Woꞌma yanna suwisaano giddo batinyu meya roduuwaati. Diinaggaawe loosannohu lowo kume ikkannohu meya roduuwi Beeteelete soqqamanno, misiyoone ikke soqqamanno, Maganu mine mina kaaꞌlanno, hattono tirote looso loosanno. Gikki yiinohu meya roduuwi maatensanna songo jawaachishanno. (La 14:1) Meya roduuwi cimeeyyenna songote soqqamaasine ikke soqqama dandaannokkiha ikkirono, songote giddo mixo fushshiꞌra dandaanno. Ati meya rodootiro, soqqanshokki halashshiꞌra dandaattati mite doogga hiikkuriiti?

• Maganu baxanno akatta lossiꞌri.—1Xi 3:11; 1Ph 3:3-6

• Songote giddo gari woꞌnaalshi noonsakkire meya roduuwa kaaꞌli.—Ti 2:3-5

• Albinni roore seeda saate soqqamate woꞌnaali, hattono soqqanshokki isilanchimma woyyeessiꞌri

• Wole qaale rosi

• Sabbakkannori roore hasiissannowa hadhe soqqami

• Beeteelete soqqamate woy Maganu mine mina kaaꞌlate forme wonshi

• Maganu Mangiste Sawaakooti Rosi Mine eꞌe rosate forme wonshi

‘MOOTICHU SOQQANSHORA DAAFURANNI NOO MEENTO’ YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:

• Mitte mittenti rodoo coyidhinori jawaachishinoꞌnehu hiittoonniiti?