KIRISTAANU HEESHSHO
Interneetete Widoonni Xaaddinanni Jaallaꞌne Ayeooti?
Jaalla ikkate yaa “baxillunni mimmitu ledo quraanyamate” yaate. Lawishshaho, Daawiti Goliyaadi shiihu gedensaanni Daawitinna Yoonaataani lubbote jaalla ikkitino. (1Sa 18:1) Lamunkura kuꞌu koꞌonne baxxanno gede assitanno akatta noonsa. Hakko daafira, kaajjadu jaaloomira xintu mimmito seekke egennate. Mitto mancho seekke egennate yannanna sharro hasiissannoti egennantinote. Ikkollana interneete widoonni suꞌmira jaallate yinannire kalaqiꞌrate gariri assinanniri dino. Mittu manchi interneetete widoonni maa coyiꞌrannoro balaxe hedanna mito geeshshano ikkiro wolootu isi daafira danchare heddanno gede assa dandaanno daafira, ayimmasi maaxa dandaanno. Hakko daafira interneetete widoonni jaalla assiꞌneemmo manna qorophine doodha danchate. Gari geeshsha affinoonnikki manni interneetete widoonni jaala assiꞌraꞌnera xaꞌmiꞌrinero insa koffi assinammonte yitine waajjitine jaalaꞌne assidhinoonte. Mitootu dagoomittete webisayite abbitanno gawajjo heddino daafira dihoroonsidhanno. Kayinni ati dagoomittete webisayite horoonsiꞌra doodhittoro maa qaaga hasiissannohe?
DAGOOMITTETE WEBISAYITE HOROONSIꞌRATTO WOYITE HAYYICHA IKKI YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:
Dagoomittete webisayitera mitore borreessattora woy foto worattora albaanni maa heda hasiissannohe?
Interneetete widoonni jaalla assiꞌratto manna qorophite doodha hasiissannohehu mayiraati?
Dagoomittete webisayite horoonsidhanni sayisatto yanna ajisha hasiissannohehu mayiraati?—Ef 5:15, 16