Heeshshokkira Kaaꞌlitannohe Amaale JW.ORG Aana Afiꞌra Dandaatto

Tenne qarrissannote goofimarchu yannara, Maganu Qaali amadannonke qarra dandiine saꞌneemmo gede kaaꞌlannonke. (2Xi 3:1, 16, 17) Kayinni, iillinonkeha mito qarra dandiine saꞌneemmo gede kaaꞌlannonkeha Qullaawu Maxaafiha xintu seera afiꞌrate kaaꞌlo hasiissannonke woyiti heeꞌrara dandaanno. Annuwanna amuuwa, ooso lossiꞌrate kaaꞌlitanno amaale afiꞌra hasidhinanni? Wedella, ammanaꞌne jifanno fonqoli tuncu yiinoꞌne? Galte shiidhine xissiisidhinoonni? Tennenna wole batinye hajo daafira kulannoha Qullaawu Maxaafiha xintu seera jw.org aana afiꞌra dandaatto.—La 2:3-6.

QULLAAWU MAXAAFI ROSO yaannoha kisi. (Misile 1 lai.) Hakkiinni ati hasiꞌrootto booso doodhi. Woy LAYIBIRERE > AANTE AANTETE FULTANNO BIRXICHUWA yaannoha kisse hasiꞌrootto booso doodha dandaatto. (Misile 2 lai.) JW Layibirerea aanano hakko garinni afiꞌra dandaatto. Lamenkawa baxissannoheta addi addi birxichuwa afiꞌrattora dandaatto. Qoleno jw.org aana hasiꞌri yaannohu giddo banxummore borreessine hasiꞌra dandiineemmo.

Hasiꞌri yaannohu giddo aante noo hajo borreessite, nabbawa hasiꞌratto birxichuwa hiikkuriitiro lai.

• Ooso lossiꞌra

• Wedella yaachishannore

• Galte shiiꞌra