Hedeweelcho Xagisiꞌra Hasiissannoꞌne Woyitira Xaanni Qixxaabbe

Qixxaawa hasiissannonkehu mayiraati? Hedeweelcho xagisiꞌra hattono hospitaale eꞌne akkaꞌma hasiissannonke woyiti heeꞌrara dandaanno. Hakko daafira dancha hikkiminna afiꞌra dandiitinanni gede hedeweelcho xagisidhinanni gede assannoꞌneri iillaꞌnera albaanni balaxxine qixxaabbe. Hatto assaꞌne heeshshonna Yihowa mundeete daafira fushshino seera ayirrissinannita leellishshanno.—Soq 15:28, 29.

Qixxaawa dandiineemmohu hiittoonniiti?

• Huuccatto assidhine qorophitine hikkiminnu biddishsha amaddino kaarde (DPA) wonshe.a Cuuantino halashshaano borrote soqqamaancho xaꞌmidhe hikkiminnu biddishsha amaddino kaarde adha hattono shiimmaaddu qaaqquullinsara ayimmate kaarde (ic) haaꞌra dandiitanno

• Godowii heedhinoonni amuuwa ikkitiniro, songoꞌne cimeeyye Godowii Noo Amuuwira Qixxeessinoonni Mashalaqqe (S-401) yinanni sanade uyitannoꞌne gede xaꞌmidhe. Tini sanade godowii heedhinoonni yannaranna iltinihu gedensaanni iillaꞌnera dandaannoha fayyimmate qarra lainohunni danchare doodhitinanni gede kaaꞌlitannoꞌne

• Mundee adhite xagisiꞌratto gede kullihero woy hospitaalete goxe xagisiꞌra hasiissuhero balaxxe songote cimeeyyera kuli; hattono akimootaho mittu Yihowa Farciꞌraasinchi daye laꞌꞌahera hasiꞌrattota kulinsa

Songote cimeeyye kaaꞌla dandiitannohu hiittoonniiti? Insa hikkiminnu biddishsha amaddino kaarde wonshatto gede kaaꞌlitannohe. Ikkirono insa konni garinni xagisiꞌri diyitannohe woy mittu mittunku manchi doodhanno hajora anga diwodhitanno. (Ro 14:12; Ga 6:5) Songote cimeeyyera mundee adhite xagisiꞌra hasiissannohe gede assannori tuncu yiinoheta kulittonsaro, insa ate riqibbe bayichonkonni Hospitaalete Ledo Xaadissanno Komitera (HLC) kultanno.

Hospitaalete Ledo Xaadissanno Komite kaaꞌlitannohehu hiittoonniiti? Hospitaalete Ledo Xaadissanno Komitera loossanno roduuwi mundeete daafira noonke lao akimootahonna higgete loossannorira kulate qajeeltino. Insa mundee adhinikkinni xagisiꞌrate daafira akimichakki hasaawissara dandiitanno. Hasiisannoha ikkiro insa wole akimicha hassara dandiitanno.

MUNDEE HOROONSIꞌNE XAGISIꞌNANNI OGIMMA LAINOHUNNI GARA IKKINORE DOODHA YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:

• Tenne viidiyonni, hedeweelcho mundee adhite xagisiꞌra hasiissannohe gede assannori tuncu yaannohe woyitira qixxaawate kaaꞌlannohere maa rosootto?

  Dawarokki