KIRISTAANU HEESHSHO
Maganu Hedo Afate Sharramme
Assineemmo coyi baalunkunni Yihowa hagiirsiisa hasiꞌneemmo. (La 27:11) Tenne assate, konne asse woy konne assitinoonte yaanno seeri hooganno woyite nafa iso hagiirsiisanno doorsha doodha hasiissannonke. Tenne assineemmo gede kaaꞌlannonkeri maati?
Ganyitine Qullaawa Maxaafa xiinxalle. Qullaawa Maxaafa nabbambummo kiiro Yihowa ledo yanna sayinsanni heeꞌnoommo. Yihowa mannasi ma garinni towaatinoro hattono isi albaanni dancha woy busha coye assino manni lawishsha xiinxalline Yihowa hedo afa dandiineemmo. Mitto doorsha doodhate hendeemmo woyite, qullaawu ayyaani Maganu Qaalinni nabbamboommoha hasiisanno rosonna xintu seera qaangeemmo gede kaaꞌlannonke.—Yoh 14:26.
Seekkitine xiinxalle. Mitto doorsha doodhattora albaanni ateneeto togo yite xaꞌmi: ‘Yihowara konni coyi daafira noosi lao huwanteemmo gede kaaꞌlannoe qummeeshshi woy Qullaawu Maxaafi xagge hiitteeti?’ Kaaꞌlannoꞌne gede Yihowa huuccidhe; hattono kiꞌnera kaaꞌlannoꞌneha Qullaawu Maxaafiha xintu seera afiꞌranna loosu aana hosiisa dandiitinanni gede nooha ikkiro kiꞌne afiinni qixxeessinoonniha xiinxallote kaaꞌlanno uduunne horoonsidhe.—Fa 25:4.
‘CINCATENNI JAWAANTE DODA’ HASIISSANNONKE—KIꞌANNO SAGALE ITTE YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLATE WOꞌNAALLE:
Viidiyote giddo laꞌnummota wedellitte rodoo ma assitanno gede xixxiimboonnise?
Kiꞌneno togoore assitinanni gede xixxiimbanniꞌne woyite xiinxallote kaaꞌlanno uduunne horoonsiꞌra dandiitinannihu hiittoonniiti?
Yanna gaaꞌmine seekkine xiinxalla kaaꞌlitannonkehu hiittoonniiti?—Ib 5:13, 14