Qaagooshshu Ayyaani Woggara Mixo Fushshiꞌri

Diro kiiro Yihowa manni Qaagooshshu Ayyaana mitteenni ayirrisate quqquxamanno. Qaagooshshu Ayyaanira albaanninna gedensaanni noo lamalara, wodote kakkalora galatu noonketa leellishate Yihowa guwisiꞌneemmota baxxitino faro afiꞌneemmo. (Ef 1:3, 7) Lawishshaho Qaagooshshu Ayyaanira daanno gede manna koyisate sharrammeemmo. Mitootu Badheessunna Dotteessu aganira 30 woy 50 saate soqqante kaaꞌlaano suwisaano ikkate mixo fushshidhanno. Kiꞌneno Qaagooshshu Ayyaani woggara albinni roore soqqama dandiitinanni? Togo assitinanni gede kaaꞌlannoꞌneri maati?

Duucha woyite, balanxe qixxaambeemmoha ikkiro hendoommori qinaanno. (La 21:5) Qaagooshshu Ayyaana ayirrinsanni wogga iillitanni noo daafira xaanni qixxaawa hasiissannonke. Qaagooshshu Ayyaani woggara soqqanshoꞌne halashshiꞌra dandiitinanni gara hedde hattono mixoꞌne wonshiꞌrate maa assa hasiissannoꞌnero hiince. Hakkiinni Yihowa assitinannire maassiꞌrannoꞌne gede huuccidhe.—1Yo 5:14, 15.

Qaagooshshu Ayyaani woggara soqqanshoꞌne halashshiꞌra dandiitinanniti mite doogga hiikkuriiti?