Hincilaallo Danchu Garinni Horoonsiꞌri

Rosaanchu Yaiqoobi Qullaawu Maxaafi giddoyidi ayimmanke layiꞌrate kaaꞌlitannonke hincilaallo gede ikkinota coyiꞌrino. (Yai. 1:22-25) Qullaawa Maxaafa hincilaallote gede assine danchu garinni horoonsiꞌra dandiineemmohu hiittoonniiti?

Seekkite nabbawi. Albanke hincilaallotenni iima adda calla layiꞌnummoro, biddi assiꞌra hasiissannonkeha mito coye afa hoongammora dandiineemmo. Hatteente gede, giddoyidi ayimmanke layiꞌne biddi assiꞌra hasiissannonkere afate Maganu Qaale seekkine nabbawa hasiissannonke.

Wolootu ikkikkinni ati woyyeessiꞌrattore illachishi. Hincilaallo haawiissine amandiro wolu mulenke noo manchi xeꞌne leellishshara dandiitanno. Hatteente gede, Qullaawa Maxaafa nabbambeemmo woyite wolu mannu woyyeessiꞌra hasiissannonsa coye hendammora dandiineemmo. Kayinni hatto yine heda ninke biddi assiꞌra hasiissannonkere biddi assiꞌrate dikaaꞌlitannonke.

Quwa saꞌooti. Hincilaallo leellishshannota xeꞌnenke calla illachinshummoro hexxo mudhinammora dandiineemmo. Qullaawa Maxaafa nabbambeemmo woyite quwa saꞌneemmokkire ikka hasiissannonke; Yihowa wolqankera aleenni ikkinore assinammora dihasiꞌranno.—Yai. 3:17.