Yihowa Farciꞌraasine Minunni Mine Hadhannohu Mayiraati?

Yesuusi haꞌrunsaanosi, “Daga baalante giddonni manna rosaanoꞌya asse” yee hajajino. (Maatewoosi 28:19, 20) Isi umi rosaanosi fushshe soy woyte, mannu minira hadhanno gede kulinonsa. (Maatewoosi 10:7, 11-13) Yesuusi reyhu gedensaannino, umi xibbi diri Kiristaani halaalu sokka “gudumaalehonna minunni mine haꞌre” duduwino. (Soqqamaasinete Looso 5:42; 20:20) Ninkeno konni hundi Kiristaani faale haꞌneemmo; qoleno manna hasaawisate minunni mine haꞌra roore dancha ikkitinota huwantoommo.