Suꞌmansa “Heeshshote Maxaafi Giddo” Borreessinoonniri Ayeooti?

Qullaawu Maxaafi mayyaanno?

“Heeshshote maxaafi giddo” hegere heeshsho afiꞌranno manni suꞌma borreessinoonni. (Yohaannisi Ajuuja 3:5; 20:12; Milkiyaasi 3:16) Maganu konni maxaafira suꞌmansa borreessanno manni isira ammaname hajajaminoho.—Yohaannisi 3:16; 1 Yohaannisi 5:3.

Maganu ‘kalqe kalaqantuhunni’ kayise ammanantino soqqamaanosi maxaafaho borreessinohu gede asse qaagannonsa. (Yohaannisi Ajuuja 17:8) Heeshshote maxaafi giddo borreessinoonnihu umihu ammanamino manchi Aabeeli ikkinoti dihuluullissannote. (Ibiraawoota 11:4) Kuni maxaafi Yihowa suꞌmansa qaagannota calla ikkikkinni, ‘isire ikkitinore afinoha’ baxillaancho Magano ikkinota leellishanno.—2 Ximootewoosi 2:19; 1 Yohaannisi 4:8.

Mittu Manchi suꞌma ‘heeshshote maxaafi giddonni’ hunnara dandiinanni?

Ee. Maganu hunda heeꞌrinohu hajajamannokkihu Israeelete manni daafira coyiꞌranni, ‘Maxaafiꞌya giddonni cubbo loossinori suꞌma huneemmo’ yiino. (Fulo 32:33) Ammanamme heeꞌnummoro kayinni, suꞌmanke ‘heeshshote maxaafi’ giddonni dihunnanni.—Yohaannisi Ajuuja 20:12.