Lekkaalliidi Qaagiishsha

a Lawishshaho Nayijeeriyaaho Yoruuba yinanni gosa, mannu reyiro saada woy wole kalaqama ikke galagale ilamanno yitannoti budu ammaꞌna noonsa. Konni daafira mitte ama qaaqqo shiidhuro xissiisidhannohu shiima yanna geeshshaati. Korkaatuno Yoruuba gosa, “Wayilla duꞌnaminona qoonchu kayinni dihiiqqamino,” yitanno yaatto noonsa daafiraati. Yoruuba gosa yaatto garinni, togo yaa waa amadanno qoonchi yaano ama wole qaaqqo ila dandiitanno; miteekkite reyino qaaqqose galagalte ila dandiitanno yaate. Yihowa Farciꞌraasine Qullaawu Maxaafi irko afiꞌrinokki bude, lawishshaho lubbo direyitanno, hattono wole biso uddidhe galagalte ilantanno yaannohu soꞌrote laooshshinni dayino budenna roso diharunsitanno.—Mekibibi 9:5, 10; Hiziqeeli 18:4, 20.